Ekonomıka • 25 Tamyz, 2021

Mıllıondaǵan shyǵynǵa batqan almatylyq kásipkerler jumys isteýge ruqsat suraıdy

48 ret kórsetildi

Bazarlar men saýda úıleriniń ókilderi qatań shekteýsiz jáne lokdaýn­syz jumys istegisi keledi. Almatylyq kásipkerlerdiń aıtýynsha, shekteýsiz jumys isteý olarǵa memleket aldyndaǵy mindettemelerin oryndaýǵa múmkindik beredi.

Kollajdy jasaǵan Amangeldi Qııas

Almatyda saýda sektorynda, onyń ishinde oıyn-saýyq orta­lyq­tary, saýda úıleri men saýda jeli­lerinde 115 myńnan asa jeke kásip­ker bar. Ortasha alǵanda bir kásipker 2-3 adamdy jumyspen qamtyp otyr. Iаǵnı ortasha eseppen 280 myńnan asa adam osy saladaǵy tabysqa táýeldi. Mundaı kórsetkish Almaty qalasy turǵyndarynyń 15%-yn quraıdy.

«Bizge demalys kúnderindegi lokdaýn qıynǵa soǵyp tur. Ásirese, jalǵa alýshylardyń jańa oqý jylyna satyp alǵan taýarlaryn tolyq satýy mańyzdy. Satyp alýshylardyń negizgi bóligi demalys kúnderi keledi. Kásipkerlerdiń 90%-ynda tuty­ný­shylyq nesıe bar, al kiris tómen­dedi», dedi «Orbıta» saýda ortaly­ǵy­nyń dırektory Abzal Isakeev.

Ortalyq basshysynyń aıtýynsha, shaǵyn jáne orta kásipkerler – Almaty qalasynyń belsendi tur­ǵyndarynyń negizgi bóligi. Eger jaǵdaı ózgermese, mundaı qatań sharalardan keıin bıznes qaıta qalpyna kele almaıdy. Sondyqtan almatylyq kásipkerler shekteý sharalaryn jeńildetýdi talap etedi.

«Eger jalǵa alýshylardyń kem degende 70%-y vaksına alsa, onda Ashyq júıesimen jumys isteıtin nysandarǵa demalys kúnderi de jumys isteýge múmkindik beriledi degen edi. Bizde qyzmetkerlerdiń 90%-y vaksına alǵan, endigi tańda olar bul jaǵdaıǵa narazy. Adamdar qazirdiń ózinde úmitsizdikten joldardy jabamyz dep qorqytýda, biraq biz jaǵdaıdy óz baqylaýymyzǵa aldyq. Byltyr lokdaýn boldy, bizdiń sala biraz shyǵynǵa ushyrady. Sonymen qatar dezınfeksııalaýshy zattarǵa, týnnelderge jáne bas­qa da jabdyqtarǵa – bárine byl­­tyr shamamen 27 mln teńge jum­­sa­dyq. О́z kezeginde ShOB óz jumy­syn sa­nıtarlyq normalar men ta­lap­­­tardy saqtaı otyryp júrgizip otyr», deıdi «Alataý» bazary dırek­tory­nyń orynbasary Aleksandr Kım.

Sonymen qatar Qazaqstan saýda jyljymaıtyn múlik developerler odaǵynyń tóraǵasy Aleksandr Revın demalys kúnderi engizil­gen lokdaýnǵa baılanysty saýda ortalyqtary tabysynyń 50%-yn ala almaıtynyn aıtty. Bazarlar úshin bul soma aıyna 10 mln-nan 15 mln teńgege deıin jetedi. Onyń aıtýynsha, Qazaqstan saýda jyljymaıtyn múlik developerler odaǵy ony jalǵa alýshy bolyp tabylatyn shaǵyn jáne orta bıznes ókilderine 30 mlrd teńgege deıin kómek usynǵan.

«Eger biz qaladaǵy kúrdeli epı­de­mııalyq jaǵdaıǵa baılanysty osyn­daı qatań shekteý sharalaryn en­gi­zýge májbúr bolsaq, shekteýler­di en­gizý kezinde memlekettik qol­daý sha­ra­laryn eskerýdi suraı­myz. So­ny­men qatar bıznes úshin, eń aldymen kómek alý ǵana emes, shekteýsiz jumys isteý óte mańyzdy. Kásipkerler bir demalys kúni búkil jumys aptasyn almas­ty­ra­ty­nyn birneshe ret aıtqan. Múm­kin­diginshe, kásipkerlikti qoldaý sharasy retinde biz ASHYQ-tyń adal qaty­sý­shylarynyń, mysaly, bazarlar, saýda úıleri men saýda-oıyn-saýyq ortalyqtarynyń jumysyn dema­lys kúnderi shektemeýdi usy­na­myz», dedi Almaty qalasy kásip­kerler palatasynyń basshysy Aıtýar Kóshmambetov.

Sondaı-aq ol «Atameken» basshy­lyǵy kásipkerlerdiń qyzmetine qa­tys­ty alty usynys jibergenin aıt­ty. Onda kem degende bir demalys kúninde jumys isteýge ruqsat berý qaras­tyrylǵan. Sonymen qatar qyz­metkerlerdiń 90%-dan asta­my vaksına alǵan bıznesti ynta­lan­dyryp, olardy Ashyq kóshbas­shy­larymen teńestirýin suraıdy.

 

Sońǵy jańalyqtar

Uqsas jańalyqtar