Oblys ákiminiń aıtýynsha, óńir mektepteri jańa oqý jylyna daıyn. Qazirgi ýaqytta jańadan salynǵan bilim ordalaryna qabyldaý júrip jatyr. Barlyq 647 mektep «Ashyq» baǵdarlamasyna qosylǵan. Mektepterde medısına kabınetteri tolyqtaı jabdyqtalǵan. Oqytýshylar men tehnıkalyq qyzmetkerler tolyqtaı COVID-19 ınfeksııasyna qarsy vaksına aldy.
«Juqpaly aýrý keń taralyp ketpes úshin oqý prosesi dástúrli, qashyqtan jáne aralas formatta uıymdastyrylady. Oqýshylardy mektepke jetkizý óte ózekti máselelerdiń biri. Búgingi tańda 134 bilim berý mekemesinde osyndaı qıyndyq bar. Bıyl qosymsha 26 avtobýs satyp aldyq. Bilim basqarmasyna jaǵdaıdy taldap, taǵy qansha avtobýs qajettigi týraly aqparat berýdi tapsyrdym», dedi Danıal Ahmetov.
