Jambyl oblysynda ornalasqan Qorǵanys mınıstrliginiń áskerı bóliminiń qasynda Baızaq aýdanynyń Úshbulaq (120 turǵyn), Jibek joly (500 turǵyn), Qaınar (85 turǵyn) eldi mekenderi ornalasqan. Turǵyndar qazir qaýipsiz jerge kóshirildi.
О́rtti sóndirý úshin 12 tehnıka men Tótenshe jaǵdaılar mınıstrliginiń 42 qyzmetkeri, sondaı-aq áskerı bólimnen 8 qyzmetker men 2 tehnıka jumyldyryldy.
Oqıǵa ornyna 16 jedel járdem brıgadasy jiberildi. Aldyn ala málimetter boıynsha, saǵat 21: 00-degi jaǵdaı boıynsha 7 adam jaraqat alyp, medısınalyq mekemelerge jetkizildi.
Qurylǵan jedel shtabtyń basshysy - oblys ákimi Berdibek Saparbaevtyń tapsyrmasymen jaqyn eldi mekenderdiń turǵyndaryn kóshirý jumystary júrgizildi.
Oqıǵa ornyna Jambyl oblysy ákimdiginen jaýapty tulǵalar, oblys basshysynyń orynbasarlary T.Sh.Mamaev, Káribek D.J attandy.
«Biz Taraz qalasynyń turǵyndarynan úılerinen shyqpaýdy, terezege jaqyndamaýdy suraımyz. Qosymsha aqparat keıinirek habarlanady», dep habarlady ákimdikten.
Aıta keteıik, búgin keshke Jambyl oblysyndaǵy áskerı bólimde jarylys boldy.
