23 Qańtar, 2014

Qazaqstan Respýblıkasy Ádilet mınıstrliginiń buıryǵy № 309

251 ret kórsetildi

2013 jylǵy 2 qazan Astana qalasy

Qazaqstan Respýblıkasy Ádilet mınıstriniń mindetin atqarýshynyń «Biliktilik emtıhandary týraly erejeni bekitý týraly» 2010 jylǵy

 

2013 jylǵy 2 qazan Astana qalasy

Qazaqstan Respýblıkasy Ádilet mınıstriniń mindetin atqarýshynyń «Biliktilik emtıhandary týraly erejeni bekitý týraly» 2010 jylǵy
3 qarashadaǵy № 302 buıryǵyna ózgeris engizý týraly

«Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańynyń 142-baby 3-tarmaǵyna sáıkes, buıyramyn:
1. Qazaqstan Respýblıkasy Ádilet mınıstriniń mindetin atqarýshynyń «Biliktilik emtıhandary týraly erejeni bekitý týraly» 2010 jylǵy 3 qarashadaǵy № 302 (Normatıvtik quqyqtyq aktilerdi memlekettik tirkeý tiziliminde № 6624 bolyp tirkelgen, 2010 jylǵy 30 qarashadaǵy № 506-512 (26355) «Egemen Qazaqstan» gazetinde jarııalanǵan) buıryǵyna mynadaı ózgeris engizilsin:
Joǵaryda atalǵan buıryqpen bekitilgen biliktilik emtıhandary týraly erejesi osy buıryqtyń qosymshasyna sáıkes jańa redaksııada jazylsyn.
2. Osy buıryq alǵash resmı jarııalanǵan kúnnen keıin kúntizbelik jıyrma bir kún ótken soń qoldanysqa engiziledi.
Mınıstr B.IMAShEV.

 

«Kelisildi»
Jeke sot oryndaýshylarynyń respýblıkalyq alqasynyń tóraǵasy
___________G. Kım
2013 jylǵy «_26__» _09_______

Qazaqstan Respýblıkasy Ádilet mınıstriniń
2013 jylǵy 2 qazandaǵy № 309 buıryǵyna qosymsha

Qazaqstan Respýblıkasy Ádilet mınıstriniń
2013 jylǵy 3 qarashadaǵy № 302 buıryǵymen bekitilgen

Biliktilik emtıhandary týraly ereje

1. Jalpy erejeler
1. Biliktilik emtıhandary týraly ereje (budan ári - Ereje) «Atqarýshylyq is júrgizý jáne sot oryndaýshylarynyń mártebesi týraly» Qazaqstan Respýblıkasynyń 2010 jylǵy 2 sáýirdegi Zańynyń (budan ári – Zań) 142-baby 3-tarmaǵyna sáıkes ázirlendi.
2. Biliktilik emtıhanynan ótý jeke sot oryndaýshysy qyzmetin júzege asyrýǵa lısenzııa berý úshin negiz bolyp tabylady.
3. Biliktilik emtıhanyna jiberý úshin úmitkerlerge mynadaı talaptar belgilenedi:
Qazaqstan Respýblıkasynyń azamattyǵy;
jıyrma bes jasqa jetýi;
joǵary zańgerlik biliminiń bolýy;
Qazaqstan Respýblıkasy Ádilet mınıstriniń mindetin atqarýshysynyń 2010 jylǵy 3 qarashadaǵy № 303 buıryǵymen bekitilgen Jeke sot oryndaýshysynda taǵylymdamadan ótý erejesine sáıkes (Normatıvtik quqyqtyq aktilerdi memlekettik tirkeý tiziliminde № 6625 tirkelgen) jeke sot oryndaýshysynda úzdiksiz taǵylymdamadan ótýi.
 4. Biliktilik emtıhanynan ótýge Zańnyń 140-baby 2-tarmaǵymen qarastyrylǵan negizder boıynsha ruqsat etilmeıdi, ol jóninde úmitkerge qujattar kelip túsken bastap on bes jumys kúni ishinde dáleldi hat joldanady.
5. Biliktilik emtıhanynan ótý úshin árbir úmitkerden respýblıkalyq bıýdjet týraly zańda tıisti qarjy jylyna belgilengen jáne biliktilik emtıhanynan ótý kúni qoldanysta bolǵan aılyq eseptik kórsetkishtiń jeti eselengen mólsherinen aqy alynady, ony úmitkerler Jeke sot oryndaýshylarynyń respýblıkalyq alqasynyń shotyna aýdarady.
Biliktilik emtıhanynyń qorytyndysy qanaǵattanarlyqsyz bolǵan jaǵdaıda biliktilik emtıhany úshin engizilgen aqy qaıtarylmaıdy.
6. Lısenzııa alǵan, biraq sot oryndaýshysynyń laýazymyndaǵy jumysqa úsh jyl boıy kirispegen azamat biliktilik emtıhanyn qaıtadan tapsyrǵannan keıin ǵana sot oryndaýshysynyń laýazymyna jiberiledi. Biliktilik emtıhanyn qaıta tapsyrǵany úshin tólem alynbaıdy.
 Atalǵan merzimdi esepteý adamnyń jeke sot oryndaýshysynyń kómekshisi bolyp istegen ýaqytynda toqtatyla turady.

2. Biliktilik emtıhanyn ótkizý
7. Úmitkerdiń biliktilik emtıhanyn tapsyrý úshin usynatyn qajetti qujattar tizbesi:
1) erkin nysanda jazylǵan ótinish;
2) jeke kýáliktiń kóshirmesi;
3) biliktilik emtıhanyn tapsyrǵany úshin tólegenin rastaıtyn qujattyń kóshirmesi;
4) joǵary zańgerlik bilim týraly dıplomnyń kóshirmesi qosymshasymen birge (salystyrý úshin túpnusqany usynbaǵan jaǵdaıda notarıaldy kýálandyrylǵan);
5) taǵylymdamadan ótýdiń aıaqtalýy týraly qorytyndynyń kóshirmesi.
8. Biliktilik emtıhany úmitkerdiń qujaty túsken kúninen bastap kúntizbelik otyz kúni ishinde júrgiziledi.
9. Biliktilik emtıhanyna jiberilgen úmitkerlerge biliktilik emthanynyń ótý orny, kúni, ýaqyty týraly biliktilik emtıhanyn ótkizý kúninen on kúntizbelik kún buryn ýákiletti organ habarlaıdy.
10. Osy Erejeniń 7-tarmaǵynda kózdelgen qujattar berilmegen ne tıisinshe resimdelmegen jaǵdaıda, qujattar kelip túsken kúnnen bastap úsh jumys kúni ishinde úmitkerge biliktilik emtıhanyna jiberýden dáleldi hatpen bas tartady.
11. Biliktilik emtıhanyna dáleldi sebeppen kelmegen kezde (densaýlyǵyna, otbasylyq jáne qyzmettik jaǵdaılaryna baılanysty) úmitker bolmaǵan emtıhan kúnin jáne kelmeý sebepterin kórsetýmen, ótinish negizinde qandaı da bir basqa kúni ótkiziletin emtıhanǵa jiberiledi. Bul jaǵdaıda, biliktilik emtıhanyn ótkizý úshin úmitkerden qaıtadan aqy alynbaıdy.
12. Biliktilik emtıhany kompıýterlik tehnıkany paıdalanýmen testileý túrinde ótkiziledi.
13. Biliktilik emtıhanyna kelgen kezde úmitker jeke basyn kýálandyratyn qujatty usynady.
14. Úmitker testileýden óz qalaýy boıynsha memlekettik nemese orys tilderinde ótedi.
15. Árbir úmitkerdiń biliktilik emtıhanyna berilgen ýaqyt seksen mınýttan aspaıdy. Test suraqtarynyń sany jetpisti quraıdy.
Test suraqtaryna jalpy quqyqtyq normalar, atqarýshylyq is júrgizý týraly zańnama, atqarýshylyq is júrgizý uıymdarymen baılanysty máseleler men ózge de sabaqtas quqyq salalarynyń normalary kiredi.
16. Testileýdiń durys jaýaptaryn esepteý paıdalanylatyn kompıýterlik baǵdarlamanyń kómegimen avtomatty túrde júrgiziledi. Testileý nátıjeleri eki danada basylady jáne testileý aıaqtalǵannan keıin úmitkerge jeke qol qoıý arqyly tanysý úshin usynylady.
Testileý nátıjeleri bar paraqtyń bir danasy úmitkerge beriledi, ekinshisi komıssııaǵa tapsyrylady.
17. Test suraqtarynyń keminde jetpis paıyzyna durys jaýap bergen úmitker biliktilik emtıhanynan ótti dep esepteledi.
18. Biliktilik emtıhany aıaqtalǵannan keıin, testileý nátıjeleri boıynsha jasalǵan hattamaǵa biliktilik komıssııasynyń músheleri jáne hatshy qol qoıady.
19. Ýákiletti organ biliktilik komıssııa hattamasynyń negizinde osy Erejeniń qosymshasyna sáıkes belgilengen nysanysy boıynsha emtıhan ótkizilgen kúnnen keıingi kúnnen keshiktirmeı, biliktilik emtıhanynan ótkeni týraly sheshim shyǵarady.
20. Emtıhannan ótken úmitkerler ony tapsyrǵan kúnnen bastap úsh jumys kúni ishinde ýákiletti organnyń biliktilik emtıhanynan ótkeni týraly sheshimin alady. Emtıhannan ótpegen úmitkerler biliktilik komıssııasy hattamasynyń kóshirmesin alady.
 21. Biliktilik emtıhanynyń nátejesi boıynsha ótpegen bolyp tanylǵan úmitker osy biliktilik emtıhany ótkizilgen kúnnen bastap bir jyldan keıin biliktilik emıhanyn tapsyrý aqysyn tólegen jaǵdaıda qaıtadan óte alady.
22. Eger úmitker qaıta ótkizilgen emtıhan nátıjeleri boıynsha biliktilik emtıhanynan ótpegen bolyp tanylsa, keıinnen jeke sot oryndaýshysynda qaıta taǵylymdamadan ótkennen keıin ǵana oǵan biliktilik emtıhanynan ótýge jol beriledi.
23. Biliktilik emtıhanyn ótpegen úmitker appellıasııaǵa bere alady. Negizgi narazylyqtaryn negizdeýmen baıandaı otyryp, úmitker appelıasııa týraly jazbasha ótinishti ýákiletti organ basshysynyń atyna biliktilik emtıhanynan ótpegen bolyp tanylǵan kúnnen bastap úsh jumys kúni ishinde beredi.
Appelıasııany qaraý nátıjesi hattamamen rásimdeledi jáne biliktilik komıssııasyna oryndaý úshin tapsyrylady. Qaıtadan appelıasııaǵa berýge jol berilmeıdi.

Biliktilik emtıhandary týraly erejege qosymsha

Nysan

Jeke sot oryndaýshysy qyzmetimen aınalysý quqyǵyna
biliktilik emtıhanynan ótkeni týraly
sheshim

________ qalasy             20___jylǵy «__» ___________

______________
(A.Á.T.) jeke sot oryndaýshysy qyzmetimen aınalysý quqyǵyna biliktilik emtıhanynan ótti dep tanylsyn.

Ýákiletti organnyń basshysy
(A.Á.T.)

M.O.

Buıryq Qazaqstan Respýblıkasynyń Ádilet mınıstrliginde 2013 jylǵy 7 qarashada Normatıvtik quqyqtyq kesimderdi memlekettik tirkeýdiń tizilimine №8882 bolyp engizildi.

Sońǵy jańalyqtar

Uqsas jańalyqtar