Qýyrshaq teatry festıvalǵa barady

Endi aldaǵy ýaqytta teatr ujy­my kezekti óner dodasynda baq sy­na­maq­shy. Qazan aıynyń 16-24 kúnderi ara­l­y­ǵynda Túrkııa eliniń astanasynda VII Halyqaralyq «Ankara» qýyrshaq teatrlarynyń festıvali ótedi. Osy festıvalǵa teatr ujymy «Makbet. Il­lıýzııa» atty eresek kórermenge ar­nal­­ǵan spektaklmen qatysady. Aǵyl­shyn dramatýrgi Ý.Shekspırdiń pesasy boıynsha sahnalanǵan bul týyndy aqpan aıynda kórermen nazaryna alǵash ret usy­nylǵan edi. Rejısseri Dına Jumabaeva.

Sondaı-aq Qýyrshaq teatry Kók­shetaý qalasynda qazan aıynyń 4-8 aralyǵynda ótetin «TeART-Kókshe» halyqaralyq teatr fes­tı­valine óz repertýaryndaǵy «Kashtanka» atty spektaklmen qa­ty­sýdy josparlap otyr. Atal­ǵan qoıylym – orystyń áıgili jazýshysy A.Chehovtyń áńgimesi boıynsha sahnalanǵan baldyr­ǵan­dar men jasóspirim balalarǵa ar­nal­ǵan ekspressıvti spektakl. Re­jıs­ser Kýbanychbek Adylovtyń atalǵan qo­ıylymdy sahnalaý barysynda dıalog­tar­dy múmkindiginshe az qoldanyp, kóbine mımıka, is-qımyl, dybys úsheýin paı­dalanǵan. Osynysymen qo­ıylym kishkentaı kórermendi birden eliktirip áketedi. Aıta keteıik, atalǵan spektakl teatr festıvali aıasynda akterlerge qýyrshaq júrgizýdegi qabi­let­terin kórsetýge tolyqtaı múm­kin­dik beredi.

Budan bólek teatr ujymy Áshir­bek Syǵaı atyndaǵy «Syn – shyn bolsyn...» respýblıkalyq teatrlar festıvalinde de óner kórset­pek. Mádenı is-shara el Táýel­siz­diginiń 30 jyldyǵyna oraı uıym­das­tyrylyp otyr. Qýyrshaq tea­try oǵan «Romeo men Djýletta» spek­tak­limen qatysady. Bul qoıylym da Shekspır pesasy boıynsha rejısser Dına Jumabaevanyń jetekshiligimen sahnalanǵan.

О́ner ujymy halyqaralyq hám respýblıkalyq baıqaýlardan tabys­ty oralady dep senemiz.