«Elimizde uzaqqa sozylǵan qurǵaqshylyqtyń saldarynan egistik alqaptary zardap shekti: aptap ystyq kún men qurǵaq jel eginge jáne fermerlerdiń jaqsy ónim alýǵa múmkindik bermedi. Qurǵaqshylyq faktileri Qoldau.kz saıtynda Agroinsurance júıesimen spýtnık málimetteri negizinde avtomatty túrde tirkeledi. Osylaısha, saqtandyrý jaǵdaılary tirkelip, kelisim-shartqa otyrǵan fermerler saqtandyrý tólemderin alyp jatyr», delingen habarlamada.
Buǵan deıin vdeomtsvo, topyraq ylǵaldylyǵy jetispeýshiligi ındeksiniń birinshi fazasy boıynsha jasalǵan 32 saqtandyrý kelisimshartymen 5 oblystyń fermerlerine (Aqmola, Shyǵys Qazaqstan, Qostanaı, Pavlodar, Soltústik Qazaqstan oblystary) saqtandyrý kompanııalary 190,5 mln teńge tólegenin habarlady. Topyraq ylǵaldylyǵy jetispeýshiligi ındeksiniń ekinshi fazasy boıynsha 38 saqtandyrý kelisimshartymen 3 oblys (Aqmola, Qostanaı, SQO) jáne Nur-Sultan qalasynyń fermerlerine saqtandyrý kompanııalary 314,1 mln teńge kóleminde tólem jasady. Úshinshi faza boıynsha 5 oblystyń fermerleri (Aqmola, Shyǵys Qazaqstan oblysy, Qaraǵandy, Qostanaı, Pavlodar oblystary) topyraq ylǵaldylyǵy tapshylyǵy ındeksi boıynsha 56 saqtandyrý shartyn jasasqan bolatyn. Olar saqtandyrý kompanııalarynan 224,4 mln teńge somasynda tólem alady.
«Jalpy, úsh faza boıynsha saqtandyrý tólemderiniń somasy 729 mln teńge. Bul soma fermerlerdiń saqtandyrý polısterine jumsaǵan shyǵyndarynan 565,5 mıllıon teńgege asty (729 myń teńge – 159,5 mln teńge)», delingen habarlamada.
Bıyl saqtandyrý kompanııalary topyraq ylǵaldylyǵy tapshylyǵynyń ındeksti saqtandyrý boıynsha jasalǵan 100 kelisimshart aıasynda jeti oblysta jáne elordada 121,3 myń ga aýmaqty saqtandyrdy. Bul kelisimsharttar boıynsha saqtandyrý syılyqaqylarynyń kólemi 319 mıllıon teńgeni qurady, onyń 159,5 mıllıon teńgesin fermerler tóledi, al 159,5 teńgeni aýyl sharýashylyǵyn saqtandyrý salasyndaǵy operator - Aýyl sharýashylyǵyn qarjylaı qoldaý qory tóledi.
