Úkimet • 27 Tamyz, 2021

Qorǵanys mınıstri otstavkaǵa ketýge daıyn ekenin málimdedi

2102 ret

kórsetildi

2 mın

oqý úshin

Qazaqstan Qorǵanys mınıstri Nurlan Ermekbaev Jambyl oblysyndaǵy jarylystarǵa baılansty ótken brıfıngte otstavkaǵa ketýge daıyn ekenin aıtty, dep habarlaıdy Egemen.kz.

Gaýhar QAPASh

Qorǵanys mınıstri otstavkaǵa ketýge daıyn ekenin málimdedi

«Jarylystar týraly habarlanǵan alǵashqy mınýtta otstavkaǵa ketýdi uıǵardym», dedi ol jýrnalısterdiń suraqtaryna jaýap bere otyryp.

Bul rette ol «sońǵy sheshimdi el basshylyǵy qabyldaıtynyn» basa aıtty.

Eske salaıyq, Ermekbaevtyń jumysy kezinde osyndaı jaǵdaı ekinshi ret qaıtalanyp otyr. 2019 jyly Arysta joıqyn jarylystar bolǵan edi.

Nurlan Ermekbaev 1963 jyly 1 qańtarda Shymkent qalasynda dúnıege kelgen. 1986 jyly KSRO Qorǵanys mınıstrliginiń Áskerı Qyzyl Tý ınstıtýtyn úzdik támamdaǵan. 1996 jyly Qazaq memlekettik sáýlet-qurylys akademııasyn «ınjener-ekonomıst» mamandyǵy boıynsha bitirgen.

Qazaqstan Respýblıkasy táýelsizdik alǵannan bastap 1991-1996 jyldar aralyǵynda Qazaqstan Respýblıkasynyń Eýropa jáne Azııa elderindegi syrtqy-ekonomıkalyq ókildikterinde jumys istedi.

Saıası ǵylymdarynyń kandıdaty. «Qurmet» jáne «Parasat» ordenderimen, «Lokaldi janjaldarǵa qatysýshyǵa. Angola», «Syrtqy barlaýǵa qosqan úlesi úshin» medaldarymen jáne basqa da medaldarymen marapattalǵan.

1996 jyldan 2001 jylǵa deıin elimizdiń jetekshi saýda-qarjy qurylymdarynda basshylyq qyzmet atqardy.

2001-2014 jyldary dıplomatııalyq qyzmette bolyp, Qazaqstan Respýblıkasynyń QHR, Vetnam, KHDR, Sıngapýrdaǵy elshilikterin basqardy. QR Prezıdentiniń halyqaralyq máseleler jónindegi keńesshisi, kómekshisi, QR Syrtqy ister mınıstriniń orynbasary boldy.

2016-2018 jyldary – Qazaqstan Respýblıkasynyń Din isteri jáne azamattyq qoǵam mınıstri. 2014-2016 jyldar aralyǵynda jáne 2018 jylǵy sáýir – tamyz aralyǵynda Qazaqstan Respýblıkasy Prezıdentiniń kómekshisi-Qaýipsizdik Keńesiniń Hatshysy bolyp jumys istedi.

2018 jylǵy 7 tamyzda Qazaqstan Respýblıkasynyń Qorǵanys mınıstri bolyp taǵaıyndaldy. 2018 jyldyń tamyzynda Búkilqazaqstandyq qoıan-qoltyq urys qaýymdastyǵynyń tóraǵasy bolyp saılandy.