«Biz qaraǵan eki naýqastyń jaǵdaıy aýyr bolyp otyr. Sanıtarlyq avıasııa mamandary emdeýdi jolǵa qoıǵan. Qazir kúıý dárejesiniń joǵarylyǵyna baılanysty naýqastarda shok kúıi tirkelip otyr. Barynsha medısınalyq kómek kórsetilip jatyr. Jaǵdaı turaqtandy. Biz atalǵan naýqastar jazylyp ketedi dep úmittenemiz. Medısınalyq qajetti barlyq prosedýra sol maqsatta jasalyp jatyr», dedi ol.
Soı naýqastardy evakýasııalaýǵa qatysty jaǵdaıdy túsindirdi.
«Naýqastar shok kúıinde bolǵanda, olarǵa tynyshtyq kerek. Bizdiń dárigerler aıtqandaı, bul jerde burynnan kúıik shalýdy emdeıtin bólim jumys isteıdi. Mamandardyń tájirıbesi mol. Sondyqtan óńirde de naýqastarǵa qajetti kómek kórsetilip jatyr. Nur-Sultannan medısına mamandary keldi. Olar emdeý tájirıbesin qoldady. Qazir jaǵdaı baqylaýda. Qosymsha kómek qajet bolsa, mindetti túrde kórsetiledi. Naýqastar qan preparattaryn qabyldap jatyr. Qan ortalyǵynda naýqastarǵa quıylatyn qan jetkilikti. Jańa ǵana ony ózimiz kórip shyqtyq», dedi ol.
Soı, aıtqandaı, elordadan 3 maman oqıǵa ornyna jetken.
«Jansaqtaý bóliminde 5 naýqastyń jaǵdaıy aýyr. Qalǵandarynyń jaǵdaıy jaqsy. Barlyǵy qajetti kómekti alyp otyr», dedi Soı.
