Kolleksııalyq monetalardy shyǵarý Semeı ıadrolyq polıgonynyń jabylǵan kúninen bastap 30 jyl tolýyna oraılastyrylǵan. Monetalardy satý kúni týraly aqparat QUB saıtynda qosymsha jarııalanatyn bolady.
Moneta dızaınynyń tujyrymdamasy ıadrolyq synaqtardyń tarıhyn sýretteıdi. «Sańyraýqulaq» túrindegi ıadrolyq jarylystyń stıldendirilgen beınesi eki bólikten turady. Sol jaq bóligi ıadrolyq synaqtardyń tarıhyn beıneleıdi jáne qurban bolǵan adam ómiri men shyrǵalańǵa túsken taǵdyryn beıneleıtin synyq keskinder túrinde berilgen. Oń jaq bóligi zardap shekken tabıǵattyń sımvoly retinde qurǵaq aǵashtyń stıldendirilgen beınesinde jasalǵan. Keýip ketken aǵash butaǵyndaǵy jasyl japyraqtyń beınesi – qaıta órleý men qylań bergen úmit belgisi.
Kúmisten jasalǵan monetalar kádesyılyq oramda shyǵarylyp, QR Ulttyq Bankiniń memlekettik tildegi, orys jáne aǵylshyn tilderindegi nómirlik sapa sertıfıkatymen jabdyqtalǵan.
Nomınaly 500 jáne 100 teńgelik kolleksııalyq monetalar tólemniń barlyq túri boıynsha Qazaqstan Respýblıkasynyń búkil aýmaǵynda olardyń belgilengen qunymen qabyldanýǵa, sondaı-aq bank shottaryna esepke alynýǵa jáne aýdarylýǵa mindetti. Sonymen birge Qazaqstan Respýblıkasynyń barlyq bankinde shekteýsiz usaqtalady jáne aıyrbastalady.
