Koronavırýs • 30 Tamyz, 2021

Vaksına salý jumysyn jandandyrý qajet

46 ret kórsetildi

Koronavırýs indetiniń aldyn alý maqsatynda búginde Jambyl oblysynda turǵyndarǵa vaksına salý jumysyn jandandyrý kún tártibindegi ózekti máseleniń biri bolyp otyr. О́ńir turǵyndary da qaýipti indetten qorǵaný úshin vaksına alýda. Osy ýaqytqa deıin 300 myńnan astam azamat vaksına alyp úlgergen. Degenmen aımaqta jaǵdaıdy jaqsartý, ekpe egý qarqynyn arttyrý jumystary áli de tıisti deńgeıde oryndalmaı keledi. Oblys ákimi tarapynan óńirdegi tıisti basshylarǵa naqty tapsyrmalar berilgenimen, onyń nátıjesi oıdaǵydaı emes.

Qazirgi tańda óńirdegi epıdemııalyq ahýal kún sanap qıyndap bara jatyr. Búginde oblysta koronavırýs indetin juqtyrǵandardyń sany 16 700-den assa, ótken táýliktiń ózinde 191 adam qaýipti dertke shaldyqqan. Bul rette naýqas jandarǵa tıisti kómek te kórsetilýde. Qazirgi kezde óńirdegi ınfeksııalyq stasıonarlardaǵy tó­sekter 58 paıyzǵa tolsa, bul kór­setkish jansaqtaý bólimi boıynsha 43 paıyzǵa jetip otyr eken.

Alaıda oblys ákimi Berdibek Saparbaev ásirese oblys ortalyǵy Taraz qalasyndaǵy jaǵdaıdyń kó­ńil kónshitpeıtinin aıtyp, shahar bas­shysynyń jumysyn synǵa alǵan bolatyn. Jalpy, qazirgi kezde Ta­raz qalasy men Shý, Qordaı jáne Ta­las aýdandary «qyzyl aımaqqa» kir­gen. Al Jambyl, Jýaly, Baızaq, Sarysý jáne T.Rysqulov aýdandary «sary aımaqta» bolsa, Merki jáne Moıynqum aýdandary «jasyl aımaqta» ornalasqan. Negizinen oblys boıynsha 582 myń adamdy ekpemen qamtý josparlansa, búginge deıin 342 142 turǵyn ekpe alyp, kórsetkish 58,8 paıyzdy qurap otyr. Sonymen qatar Taraz qalasy men Shý jáne Qordaı aýdandary oblystyq kórsetkishten tómen qalyp qoıǵan. Osy oraıda, aýdan, aýyl turǵyndaryn túgeldeı vaksınamen qamtý búginde asa mańyzdy bolyp otyr. Bul da kópshilikti qaýipti indetten qutqarýdyń eń tıimdi joly ekeni daýsyz.

Taraz qalasy oblys ortalyǵy bol­­­ǵandyqtan, munda halyq ta ty­ǵyz ornalasqan. Sondaı-aq qalada túr­li áleýmettik nysandar kóp. So­ǵan oraı, qaýipti indetpen kúres te kúr­deli. Taraz qalasynyń ákimi Erjan Jylqybaevtyń aıtýynsha, qa­zir­gi tańda shahar boıynsha vaksı­na alǵandar sany 146 357 adamǵa jetip otyr. «О́tken aptada bizge be­rilgen 170 myń adamnyń tizimine sáı­­kes árbir mekenjaı boıynsha úıler­di aralap, bazaǵa enbeı qalǵan nemese ózge óńirlerden vaksına qa­byl­­dap kelgen adamdardyń tizimin ja­ńart­­tyq. Atalǵan jumys áli kúnge de­ıin jalǵasyn taýyp, osy aptada to­lyǵymen aıaqtaý kózdelýde», deı­di ol. Alaıda aımaqtaǵy monı­to­rıng­tik toptardyń jumysy da syn­ǵa ushy­raýda. Máselen, qoǵamdyq kó­lik­terde, bazarlarda, iri saýda oryn­darda medısınalyq maska reji­mi saq­talmaı otyr. Tipti túrli ny­san­darǵa turǵyndardyń kirip-shyǵýy «Ashyq» baǵdarlamasy boıynsha jú­zege aspaı keledi. Al oblystyq sa­nı­­tarııalyq-epıdemıologııalyq ba­qylaý departamentiniń málimetinshe, bıylǵy 15-22 tamyz ara­lyǵynda ob­lystyń monıtorıngtik toptarynyń ju­mys dınamıkasynyń taldaýy ny­sandarda karantındik rejimdi buzý­shylyqtardy anyqtaý boıynsha jaǵ­daıdyń jetkiliksiz ekenin kór­setken. Bul týraly jappaı is-sha­ra­lardyń ótkizilýine qara­mas­tan, Shý, Moıynqum, Sarysý jáne T.Rys­qulov aýdandarynyń mo­nıtorıngtik top­tarymen birde-bir buzý­shylyq tirkelmegen. Endi al­daǵy ýaqytta óńir basshylyǵy vaksına salý jumysyn jandandyrýdy negizgi mindet etip qoıyp otyr. Sonda ǵana ujymdyq ımmýnıtetti qalyptastyryp, qaýip­sizdikke qol jetkizýge bolady.

 

Jambyl oblysy

 

Sońǵy jańalyqtar

Kentaý qalasynyń ákimi taǵaıyndaldy

Taǵaıyndaý • Búgin, 20:30

Dollar arzandady

Ekonomıka • Búgin, 16:52

Qosshyda jańa mektep ashylady

Bilim • Búgin, 16:25

Almatyda esirtki tasymalynyń joly kesildi

Aımaqtar • Búgin, 14:55

Hamenova óz kinásin moıyndaǵan joq

Qoǵam • Búgin, 14:16

Qazaqstanda jylqy eti qymbattady

Qoǵam • Búgin, 14:02

Uqsas jańalyqtar