Oblys ortalyǵyndaǵy «Dostyq úıinde» «Qazaqstan joly – 2050: bir maqsat, bir múdde, bir bolashaq» atty Elbasynyń halyqqa Joldaýyna oraı oblystyń ıdeologııalyq aktıvi bolyp ótti.
Oblys ortalyǵyndaǵy «Dostyq úıinde» «Qazaqstan joly – 2050: bir maqsat, bir múdde, bir bolashaq» atty Elbasynyń halyqqa Joldaýyna oraı oblystyń ıdeologııalyq aktıvi bolyp ótti.
Jıynda baıandama jasaǵan oblys ákimi Qanat Bozymbaev elimizde qabyldanǵan údemeli ındýstrııalyq-ınnovasııalyq damý baǵdarlamasyn iske asyrýda óndiristi óńirdiń qosar úlesi mol ekenin atap ótti.
Buǵan dálel, bul kúnderi jalpy, ındýstrııalandyrý kartasy aıasynda oblysta ınvestısııa quny 1 trln. 78 mlrd. 800 mln. teńge bolatyn 85 joba júzege asyrylýda. Aldaǵy jyldary 10 myńnan astam jańa jumys oryndary ashylady dep kútilýde. Osyndaı kórsetkishter tizilimi boıynsha oblys elimizdegi jetekshi úsh oblys qatarynda tur.
– Endi biz elimizde qabyldanǵan ındýstrııalandyrý baǵdarlamasynyń ekinshi besjyldyǵyn oryndaý jolynda aýqymdy joba-josparlarǵa toly jumysty ár salada odan ári jalǵastyra, jandandyra túsetin bolamyz, – dedi oblys ákimi Qanat Bozymbaev óz sózinde.
О́tken kúzde oblys dıqandary mol ónim jınap aldy. Bıylǵy Joldaýynda Elbasy aıtyp ketken bir másele bar, ol – jaqsylyqty tek tabıǵattan kútip otyrmaı, agroónerkásip kesheninde jańa tehnologııalar men eńbek ónimdiligin arttyrý. Sonymen qatar, elimizdiń álem elderi sııaqty «Jasyl ekonomıka» júıesine kóshýdiń negizgi tujyrymdamasy boıynsha 2030 jylǵa qaraı egistikterdiń 15 paıyzyna sý únemdeý tehnologııasy qoldanylýy qajettigi aıtyldy. Oblys aýmaǵynan Ertis ózeni aǵyp jatyr. Al bizder osy sý aǵynyn qalaı tıimdi paıdalanyp júrmiz, másele sonda.
Ekinshiden, Joldaýda atap kórsetilgendeı, elimizdi et jáne sút ónimderin eksporttaıtyn elge aınaldyrý maqsatyn oryndaýdy qolǵa alý qajet. Taǵy bir mańyzdy másele aglomerasııa, kólik jáne energetıka salasy bolsa, qazir óńirde oblys ortalyǵy men Aqsý qalalarynyń aralyǵyn baılanystyratyn jańa kópir qurylysy júrgizilýde. Al óńirdiń energetıka salasynda Ekibastuz MAES-1 men MAES-2-de jańa jobalar júzege asýda. Sonymen qatar, «Pavlodar munaı-hımııa zaýytynda» da jańǵyrtý jumystary bastaldy.
– EKSPO-2017 kórmesine daıyndyq aıasynda Ekibastuz qalasynyń aýyldyq aýmaǵynda jel elektr stansasy salynady. Stansada óndiriletin elektr qýaty – 50 MVt. Bul joba Astanada ótetin halyqaralyq kórme nysandaryn elektr qýatymen qamtamasyz etedi, – dedi Qanat Bozymbaev óz sózinde. – Oblys ekonomıkasynda shaǵyn jáne orta bıznestiń úlesi 24,5 paıyzǵa jetti. Shyǵarylǵan ónim 374 mlrd. 700 mıllıon teńgeni qurap otyr. Endi iri júıequraýshy kásiporyndar janynan shaǵyn jáne orta bıznesti damytýdyń jospary jasalady. Bul arqyly elimizde joǵary ekonomıkalyq ósimge qol jetkizýge bolady.
Budan keıin Joldaýdy qoldaýǵa ún qosyp, oblystyq máslıhattyń depýtaty, «Eýrazııalyq energetıkalyq korporasııasy» AQ prezıdenti Abdýazım Rýstambaev, Lebıaji aýdanynyń ákimi Aızada Qurmanova, oblystyq máslıhattyń depýtaty, «Polonııa» polıak etnomádenı birlestiginiń tóraǵasy Vıktor Svınsıskıı, Ýspen aýdany «Galıskoe» JShS-niń dırektory Aleksandr Kasısın, t.b.sóz sóıledi. Al 24 qańtar – oblysta turǵyndardy ıdeologııalyq aqparattandyrýdyń biryńǵaı kúni bolyp jarııalandy. Osy kúni oblystyq aqparattyq-nasıhattyq tobynyń jańa quramy Elbasynyń Joldaýyn túsindirý boıynsha eldi mekenderge attanady.
Farıda BYQAI,
«Egemen Qazaqstan».
Pavlodar oblysy.
