Caldor Fire qazirdiń ózinde 191,000 gektardan astam jerdi órtedi, al órttiń tek 16%-y ǵana baqylaýǵa alyndy.
Eki aptadan astam ýaqyt buryn bastalǵan órtti sóndirýge 3500-den astam órt sóndirýshi jumyldyryldy.
Bir aýrýhana evakýasııalanýǵa májbúr boldy jáne naýqastar aımaqtyń basqa mekemelerine aýystyryldy.
Bıliktiń málimetinshe, bes adam jaralanyp, 700-den astam múlik qıraǵan.
Dúısenbi kúni tańerteń tanymal demalys orny South Lake Tahoe men onyń aınalasyndaǵy 22000 turǵyndy evakýasııalaýǵa buıryq berildi.
AQSh-tyń Orman qyzmeti órtke baılanysty 31 tamyz ben 17 qyrkúıek aralyǵynda Kalıfornııanyń barlyq ulttyq ormany jabylatynyn jarııalady.
«Caldor Fire - qazirgi ýaqytta Kalıfornııada belsendi jeti órttiń biri. Olardyń ishindegi eń úlkeni Dixie Fire shilde aıynyń ortasynda shyqty. Sodan beri 800 000 gektardan astam jerdi órtep jiberdi. Bul Kalıfornııa tarıhyndaǵy ekinshi úlken órt», dep jazady VVS.
