«Antısıklon jotasy respýblıkanyń basym bóligine áser etedi, jaýyn-shashynsyz aýa raıy bolady. Tek batys óńirler sıklon jyrasynyń yqpalynda bolady jáne atmosferalyq frontaldy bólimderi bar respýblıkanyń batysynda jáne ońtústik-shyǵysynda jańbyr, naızaǵaı oınaıdy, kúndiz elimizdiń batysynda qatty jańbyr jaýady. Respýblıka boıynsha jel kúsheıedi, ońtústik-batysynda shańdy daýyl soǵady, ońtústik-shyǵysynda, batysynda burshaq jaýyp, ortalyqta tuman túsedi», delingen habarlamada.
Batys Qazaqstan oblysynynyń soltústik-batysynda naızaǵaı oınaıdy, burshaq jaýyp, jel kúsheıedi, naızaǵaı kezinde ekpini 15-20 m/s bolady.
Atyraý oblysynyń batysy jáne ortalyǵynda naızaǵaı oınap, jel kúsheıedi, naızaǵaı kezinde ekpini 15-20 m/s bolady.
Kúndiz Aqtóbe oblysynyń ońtústiginde shańdy daýyl soǵady, túnde batysynda, kúndiz basym bóliginde jel 15-20 m/s kúsheıedi.
Túnde Mańǵystaý oblysynyń soltústik-batysvnda, kúndiz soltústik-shyǵysynda shańdy daýyl soǵady, batysynda, soltústik-shyǵysynda 15-20 m/s jel turady.
Almaty oblysynyń ortalyǵy men taýly aýdandarynda naızaǵaı oınap, burshaq jaýady, naızaǵaı kezinde jel 15-20 m/s kúsheıedi.
Jambyl oblysynyń soltústik-shyǵysynda, ońtústik-batysynda, Túrkistan oblysynyń taýly aýdandarynda, Qaraǵandy oblysynyń ońtústik-shyǵysynda, kúndiz Qyzylorda oblysynyń ortalyǵynda, Qostanaı oblysynyń batysynda, Soltústik Qazaqstan oblysynyń soltústiginde jel 15-20 m/s kúsheıedi, túnde jáne tańerteń Qaraǵandy oblysynyń soltústiginde tuman túsedi.
Pavlodar oblysynyń batysynda, soltústiginde jáne shyǵysynda topyraq betinde 2 gradýs úsik túsedi.
Mańǵystaý oblysynda, Atyraý, Batys Qazaqstan, Aqtóbe, Túrkistan, Qyzylorda, Jambyl oblystarynyń basym bóliginde, Qostanaı, Qaraǵandy oblystarynyń ońtústik-batysynda, Almaty oblysynyń soltústik-batysynda jáne ońtústiginde, Shyǵys Qazaqstan oblysynyń ońtústiginde, Aqmola oblysynyń ońtústik-batysynda tótenshe órt qaýpi saqtalady.
