Aımaqtar • 05 Qyrkúıek, 2021

Refrıjerator vagondar shyǵarylady

141 ret kórsetildi

«Petropavl aýyr mashına jasaý zaýyty» dep atalyp, buryn áskerı ónimder ǵana óndirgen eń iri kásiporynnyń aýmaǵynda 2019 jyldan beri Soltústik Qazaqstannyń áleýmettik ekonomıkalyq damýynyń keshendi josparynyń aıasynda Cool Infinity atty JShS ashylyp, jumys isteýde. Bul kásiporyn burynǵy zaýyt aýmaǵyn túgel qamtymasa da ınfraqurylymdary barynsha jetildirilgen óndiristik aımaqtyń úlken bóligin ustap otyr.

Aǵylshyn tilindegi bul sóz­diń ózi «salqyn sheksizdik» dep aýda­ry­­lady. Seriktestik ter­mosty te­mir jol vagondaryn qu­ras­ty­ra­dy. Bul vagondar tamaq ónim­de­rin búldirmeı, sal­qyn saqtap, 21 kúnge deıin onyń bu­zyl­maýyn qamtamasyz etip, alys qa­lalarǵa jetkize alady.

Kásiporyn iske kirisken 2019 jáne 2020 jyldary osyndaı 60 vagon qurastyryldy. Bir va­gon­nyń quny 40 mln teńgeniń kóleminde. Demek, sol jyldary kásiporyn 2,4 mlrd teńgeniń óni­min shyǵarǵan edi. Tapsyrys berýshi – «Qazaqstan temir joly» ulttyq kompanııasy. So­nymen qatar seriktestiktiń ónim­deri Reseı, Ázerbaıjan jáne Ortalyq Azııa elderinde de suranysqa ıe.

Cool Infinity JShS bas dı­rek­torynyń orynbasary Aqan Kárimovtiń aıtýyna qara­ǵan­da, bıyl osyndaı 80 birlik vagon qurastyrylǵan. Al jyl aıaǵy­na deıin taǵy 57 vagon jı­nal­maq. Bıylǵy jalpy meje – 140 vagon.

Endi osy kásiporyn jańa ónim túrin shyǵarýdy ıgerdi. Bul – vagon-refrıjeratorlar. Qazir ony shyǵarýdyń teh­no­lo­gııalyq barysy synamadan ótip, sertıfıkat alynǵan. Bul va­gondar salqyndyqty saq­taı­tyn vagondardan da qym­bat. Atal­ǵan vagondardaǵy tez bú­li­­ne­tin tamaq ónimderi esh­qan­daı fızıko-hımııalyq nemese bıogendik faktorlardyń áse­rine ushyramaıdy. О́ıtkeni onda tońazytqysh júıesi jumys is­teı­di. Eger termos tek syrttan jylý en­gizbese, jańa ónim­niń ózinen sýyq aýa shy­ǵady. Son­dyqtan ony «ızoter­mııa­lyq va­gondar» dep te ataıdy. Ká­sip­oryn jyl sońyna de­ıin osyndaı 5 refrıjerator shyǵarmaq.

Jańa ónimniń tusaýkeser sha­rasyna qatysqan oblys ákimi Qumar Aqsaqalovtyń aıtýyna qaraǵanda, jańa ónimdi ıgergen kásiporyn bıyl barlyǵy 5 mlrd teńgeniń taýaryn shyǵarmaq. «Buryn zaýytta 210 adam eńbek ete­tin. Endi, jańa ónimniń en­gi­zilýimen jumyskerler sany taǵy 30 adamǵa artqaly tur. Ref­­rıjerator-vagondar shyǵarý TMD aýmaǵynda asa kóp damyǵan joq. Sondyqtan bul ónimge degen suranys TMD elderi ǵana emes, alys shetelderden de túse­tin shyǵar degen úmit bar. Son­dyqtan kásiporyn bul óni­miniń perspektıvasy jo­ǵa­ry», dedi óńir basshysy.

 

PETROPAVL

Sońǵy jańalyqtar

Shymkentte taǵy bir aýdan qurylady

Qoǵam • Búgin, 16:58

Almatyda qant qymbattap barady

Qoǵam • Búgin, 16:45

Dollar baǵamy ósti

Qarjy • Búgin, 16:12

Uqsas jańalyqtar