Ekologııa • 05 Qyrkúıek, 2021

Teńiz túbi tolǵan tor

2253 ret kórsetildi

Sýdan marjan súzetin balyqshylar Kaspıı teńizinen de balyq aýlaıdy. Biraq oblystyq balyq sharýashylyǵy basqarmasynyń basshysy Artýr Sádibekulynyń málimetinshe, Kaspıı teńiziniń qazaqstandyq sektorynda balyq aýlaý úshin arnaıy torlar kóbirek qoldanylatyny anyqtalyp otyr.

Bul jyl saıyn sý astyndaǵy tirshilik ıelerine, ásirese erekshe qorǵalatyn bekire balyqtary men ıtbalyqtardyń kóbeıýine keri áserin tıgizedi. Endi balyq sharýashylyǵy komıtetiniń buıryǵymen teńizde osyndaı torlardy qurýǵa 17 tamyzdan bastap tyıym salyndy.

– Atyraý oblysynyń akva­­to­rııasynda sý keńistigin paı­da­lanýdyń erejesi bar. Bul – Jaıyq ózeniniń saǵasynan solǵa jáne ońǵa 50 shaqyrym qa­shyq­ta, 3 metr tereńdikke deıin. Alaı­da dál osy talap tolyq saq­talmaıdy. Janar-jaǵarmaı men ýaqytty únemdeý úshin nemese tıisti materıaldyq-tehnı­kalyq bazanyń joqtyǵynan balyq­shylar erejede kórsetilgendeı, Jaıyq ózeniniń saǵasynan 50 shaqyrym qashyqta júrmeıdi. Olar tikeleı tyıym salynǵan aımaqta torly aý qurady. Nátıjesinde, ýyldyryq shashýǵa nemese qystaý úshin ózenge kiretin sý marjandary torǵa túsip jatady. Mine, osynyń saldarynan sońǵy jyldary Jaıyq ózenine qonys aýdaratyn jartylaı ótpeli balyq sany aıtarlyqtaı azaıyp otyr, – deıdi Artýr Sádibek-
uly.

Bul – bir. Ekinshiden, Jaıyq ózeniniń teńizge quıar saǵasy bitelip qalǵan. Osyǵan oraı oblystyq balyq sharýashylyǵy basqarmasynyń uıytqy bolýymen arnaıy top qurylyp, ózen saǵasynda ólsheý jumystary júrgizildi. Maqsat – ózenniń teńizge quıar saǵasyndaǵy sý tereń­digin anyqtaý. О́lsheý jumys­taryn júrgizgen top múshe­leri Jaıyq ózeniniń Kas­pıı teńizine quıar saǵasy óte taıyz degen qorytyndy jasady.

Naqtylaı aıtqanda, sýdyń te­reńdigi Jaıyq ózeninen 1 shaqy­rym qashyqtyqta – 1,10, 800 metr jerde – 0,75, al 500 metr tusta – 0,71, sondaı-aq 300 metr aýmaqta – 0,83, teńizge quıar saǵasynda 0,43 metrdi qurady.

– Bul – óte tómen deńgeı. Onyń ústine, birneshe kúnnen beri teńiz jaqtan jel soǵyp tur. Demek, teńiz sýy ózenge kelip jatyr. Sonyń ózinde ózenniń teńizge quıar saǵasy bitelip qalǵan. Al teńiz sýy keri qaıtqanda ne bolmaq? Sondyqtan tez arada teńiz túbin qazý qajet. Teńizdiń ózenge quıar saǵasy tereńdetilmese, balyqtar da, kemeler de taıyz sýdan óte almaıdy. Munyń kesiri sý astyndaǵy tirshilikke de, balyq kásipshiligine de keri áserin tıgizedi, – deıdi Artýr Sádibekuly.

Al oblystyq ekologııa depar­tamenti Atyraý oblysynyń eko­logııalyq problemalaryn keshen­di sheshý jónindegi Jol karta­sy­nyń 29, 34-tarmaqtaryn oryndaý maq­satynda Jaıyq ózenin bra­­ko­nerlik aýdan tazartýdy bastady. Osylaısha, jol kartasynyń 29-tarmaǵynda kór­setilgendeı, Ja­­­ıyq ózeniniń jaǵa­synda jumys istep turǵan hımııalyq qoımalar ­men basqa da lastaýshylardy anyq­taý, túgendeý, izdestirý, joıý jumys­tary uıymdastyryldy. Sondaı-aq 34-tarmaqqa sáıkes, ózenniń arnasyn, saǵalaryn bra­konerlik balyq aýlaý quraldarynan tazartý kózdeldi. Is-shara kezinde ózennen brakonerler qurǵan 12 aýlaý quraly shyǵaryldy. Aýǵa shyrmatylǵan tiri balyqtar ózenge keri jiberildi. Al ólgen balyqtar men ıesiz aý quraldary jınap alyndy.

 

Atyraý oblysy

Sońǵy jańalyqtar

Dollar qaıta kóterildi

Qarjy • Búgin, 16:35

BQO-da Astana kúni atap ótiledi

Elorda • Búgin, 15:59

Almaty qalasy «sary» aımaqta

Koronavırýs • Búgin, 10:28

Uqsas jańalyqtar