Esep komıtetiniń ujymy Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynyń negizgi qaǵıdalaryn talqylady, dep habarlady Esep komıtetiniń baspasóz qyzmeti.
Esep komıtetiniń ujymy Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynyń negizgi qaǵıdalaryn talqylady, dep habarlady Esep komıtetiniń baspasóz qyzmeti.
Esep komıtetiniń tóraǵasy Q.Jańbyrshın Elbasynyń «Qazaqstan joly – 2050: bir maqsat, bir múdde, bir bolashaq» atty Joldaýynyń negizgi qaǵıdalaryn talqylaý barysynda atalǵan Joldaýdyń asa mańyzdy ekenin atap ótti.
«2014 jylǵy Joldaý 2050 jylǵa deıingi uzaq merzimdi Strategııany iske asyrý boıynsha naqty is-sharalar baǵdarlamasy bolyp tabylady. Belgilengen baǵyttar Qazaqstan ekonomıkasynyń odan ári tereń jańǵyrtylýyn, onyń básekege qabilettiligin jáne damý serpinderin arttyrýdy kórsetedi», – dedi Esep komıtetiniń tóraǵasy.
Q.Jańbyrshınniń pikirinshe, osy mańyzdy mindetter arqyly elimizdiń qarjylyq baqylaý organdarynyń róli men mańyzdylyǵy obektıvti túrde artpaq.
Esep komıtetiniń basshysy: «Qazaqstannyń álemniń eń damyǵan 30 eliniń qataryna kirýi úshin Esep komıteti táýelsiz syrtqy qarjylyq baqylaýdyń konstıtýsııalyq organy retinde mańyzdy ról atqarýy tıis. Onyń jaýapkershiligine memlekettiń ulttyq resýrstardy basqarý qyzmeti kiredi. Atap aıtqanda, bıýdjet-qarjy úderisin, 2050 jylǵa deıingi Strategııany iske asyrýǵa bólinetin memleket qarajatynyń utymdy paıdalanylýyn baqylaý máselesine erekshe nazar aýdarylady. Osyǵan baılanysty, memlekettik qarjylyq baqylaý júıesinen memlekettik aýdıtke kóshý Esep komıtetine óz qyzmetin halyqaralyq ozyq standarttarǵa sáıkes anaǵurlym tıimdi jáne sapaly júzege asyrýǵa múmkindik beredi», – dedi.
Memleket basshysynyń álemniń eń ozyq tájirıbesiniń negizinde memlekettik aýdıttiń keshendi júıesin qurý boıynsha tapsyrmalaryn iske asyrý maqsatynda, elimizde qarjy-ekonomıkalyq saladaǵy ulttyq qaýipsizdikti nyǵaıtýǵa qatysty memlekettik saıasatty qalyptastyrýdyń jáne iske asyrýdyń biryńǵaı tásilderin qamtamasyz etetin Memlekettik aýdıtti engizý tujyrymdamasy qabyldandy.
Sonymen qatar, qazirgi kezde Qazaqstan Parlamentinde memlekettik aýdıt jáne qarjylyq baqylaý organdaryn uıymdastyrýǵa, olardyń qyzmeti men ókilettiginiń biryńǵaı qaǵıdalaryn aıqyndaýǵa baǵyttalǵan «Memlekettik aýdıt jáne qarjylyq baqylaý týraly» zań jobasy talqylanýda.
Esep komıtetiniń tóraǵasy otyrys qorytyndysy boıynsha «Qazaqstan-2050» Strategııasyn iske asyrý sheńberinde kózdelgen is-sharalardy sapaly jáne ýaqtyly oryndaý boıynsha naqty tapsyrmalar berdi.
