Májilis Tóraǵasy Nurlan Nyǵmatýlın bastaǵan parlamenttik delegasııa Avstrııa astanasy Venada ótip jatqan parlament spıkerleriniń besinshi Dúnıejúzilik konferensııasyna qatysýda.
Májilis Spıkeri kópjaqty yntymaqtastyqty nyǵaıtý, beıbitshilik pen turaqty damýdy qamtamasyz etý úshin parlamenttik qyzmet taqyrybyna arnalǵan ınteraktıvti jalpy pikirtalastarda sóz sóıledi.
Sonymen qatar Nurlan Nyǵmatýlın búgingi tańda Qazaqstanda bolyp jatqan jáne elimizdiń turaqty damýdyń halyqaralyq qaǵıdattaryna sáıkes damýyna múmkindik beretin prosester týraly aıtyp berdi.
«Tıimdi memleket pen ádil qoǵam qurýdyń tujyrymdamalyq negizderin Qazaqstannyń Tuńǵysh Prezıdenti Nursultan Nazarbaev qalaǵan bolatyn. Búgin Prezıdent Qasym-Jomart Toqaev saıası baǵyttyń sabaqtastyǵyn qamtamasyz etedi», dedi Májilis Tóraǵasy.
Nurlan Nyǵmatýlın qazaqstandyq qoǵam ómiriniń barlyq salalaryna qatysty aýqymdy júıeli reformalar týraly aıta ketip, azamattyq qatysýdy keńeıtýge jáne qoǵamdyq baqylaýdy kúsheıtýge, sondaı-aq Memleket basshysynyń bastamalaryn zańnamalyq qoldaýǵa nazar aýdardy.
«Parlament reformalardy der kezinde zańnamalyq súıemeldeýdi qamtamasyz ete otyryp, bul úderiske belsendi qatysýda. Saılaý zańnamasy men sot júıesin jetildiretin mańyzdy zańdardyń tutas paketi qabyldandy. О́zgerister saıası partııalar, beıbit jınalystar, jergilikti ózin-ózi basqarý týraly zańnamalyq aktilerge de qatysty boldy», dedi Májilis spıkeri.
О́z sózinde Nurlan Nyǵmatýlın Qazaqstannyń jahandyq jáne óńirlik deńgeılerde beıbitshilik pen qaýipsizdikti qamtamasyz etýge qosqan úlesine erekshe nazar aýdardy.
«Jańa qaýip-qaterler aıasynda Qazaqstan Prezıdenti Qasym-Jomart Toqaev BUU Qaýipsizdik Keńesine esep beretin bıologııalyq qaýipsizdik jónindegi halyqaralyq agenttik qurýdy usyndy. Bul jańa mamandandyrylǵan qurylym bıologııalyq qaýipterdiń aldyn alýǵa tikeleı qatysty bolýy múmkin. Biz áriptesterimizdiń osy mańyzdy bastamany belsendi qoldaıtynyna senemiz», dep atap ótti Nurlan Nyǵmatýllın.
Halyqaralyq kún tártibindegi Aýǵanstandaǵy beıbitshilik pen qaýipsizdikti qalpyna keltirý sııaqty ózekti másele týraly aıta kelip, Nurlan Nyǵmatýlın búgingi tańda eń mańyzdysy – Aýǵanstandaǵy gýmanıtarlyq jáne azyq-túlik daǵdarysyna jol bermeý ekenin atap ótti. Ol, sondaı-aq qazirgi ýaqytta Qazaqstan Prezıdentiniń sheshimi boıynsha Aýǵanstanǵa járdemdesý jónindegi BUU mıssııasy bizdiń elimizde ýaqytsha ornalastyrylǵanyn eske saldy.
Besinshi Dúnıejúzilik parlament spıkerleriniń konferensııasy koronavırýstyq pandemııa bastalǵannan beri tikeleı efırde ótkizilip kele jatqan alǵashqy aýqymdy parlamentshiler forýmy boldy. Venadaǵy konferensııany Parlamentaralyq odaq, BUU-men ózara is-qımyl kezinde Avstrııa Parlamenti uıymdastyrdy. Álemniń 90-nan astam eliniń parlament spıkerleriniń nazarynda - pandemııamen kúresý jáne Sovid-19-dan keıin qalpyna keltirý jónindegi jahandyq sharalardy qosa alǵanda, shuǵyl halyqaralyq parlamenttik is-qımyldy talap etetin basymdyqtar, klımattyń ózgerýi jáne ekologııalyq turaqtylyqty qamtamasyz etý máselelerin sheshý, dezınformasııaǵa qarsy is-qımyl, jastardyń saıasatqa qatysýy, genderlik teńdik bar. Qazaqstandyq parlamentshiler delegasııasynyń quramynda Senat pen Májilis depýtattary bar.
