Byltyr tamyz aıynda qazaqtyń dańqty uly, Máskeý Olımpıadasynyń jeńimpazy, álem chempıony, «Qazaqstannyń Eńbek Eri» Jaqsylyq Úshkempirov dúnıeden ótken bolatyn. Daraboz tulǵany halqy eshqashan umytpaıdy.
Búgin Nur-Sultan qalasynda Jaqsylyq Ámiráliulyna ornatylǵan eskertkishtiń ashylý saltanaty ótti.
Eskertkish Elordada Qabanbaı batyr dańǵylyndaǵy Jaqsylyq Úshkempirov atyndaǵy sport saraıynyń aldyna ornatylǵan.
Máskeý tórinde atoı salǵan Jaqsylyq Úshkempirov qazaq balýandaryna, jalpy sportshylaryna únemi aǵalyq qamqorlyǵyn kórsetetin.
Kásipker retinde mal sharýashylyǵyn damytyp, bir aýylǵa sharapatyn tıgizip, talaı jasty jumyspen qamtydy. Ázirshe osy dańqty azamattan keıin eshbir qazaq balýany Olımpıada altynyn ala almaı keledi.
