О́zbekstan senatynyń múshesi Kýdratılla Rafıkov 19 tamyzda Mırzııaevtiń jasaǵan isterin ult aldynda madaqtap, maqala jazdy.
«О́zbekter, ásirese jas urpaq, Prezıdentke óte qatty senedi, al balalar Prezıdentti tipti maqtan tutady», dep jazdy ol.
Sonymen qatar osy jazbasynda Prezıdentke qurmetti ataq berýdi usyndy.
«Mırzııaevti «mıllat sardorı», ıaǵnı «ult kósemi» dep ataýǵa ábden bolady», dep túıindegen senator.
Birneshe kúnnen soń parlamenttiń taǵy bir palatasynyń depýtaty Akmal Saıdov ta maqala jazyp, onda Prezıdentti «ult basshysy» dep ataǵan.
Resmı emes bul ataqty keıbir aqparat quraldary qoldanyp júr.
«Mırzııaevtiń buǵan ne deıtini ázirge belgisiz. Bunyń aldynda ol maqtaǵandy unatpaıtynyn málimdegen», dep jazady Ortalyq Azııanyń jańalyqtar qyzmeti.
