Kezdesý barysynda Prezıdenttiń Joldaýy men bergen tapsyrmalaryn iske asyrýǵa baǵyttalǵan birqatar zań toptamasynyń ázirlenip jatqany jóninde málimet berildi.
Parlamenttiń joǵarǵy Palatasynyń tóraǵasy aldaǵy sessııa aıasynda senatorlar Úkimetpen jáne Májilis depýtattarymen birlesip, áıelder men jastar úshin 30 paıyzdyq kvotany bekitý bóliginde saılaý zańnamasyn ózgertý boıynsha jumys isteıtin bolady dep habarlady.
Sonymen qatar, «Áleýmettik kodeks», «О́nerkásip saıasaty týraly», «Kásibı biliktilik týraly», «Jeke qosalqy sharýashylyqtar týraly» jáne basqa da zańdarǵa ózgertýler men tolyqtyrýlar engizý mindeti tur.
Máýlen Áshimbaevtyń aıtýynsha, Senat depýtattary Memleket Basshysynyń tapsyrmalaryn oryndaýǵa baǵyttalǵan birqatar bastamashyl zań jobalaryn daıyndady. Atap aıtqanda, «Adam quqyqtary jónindegi ýákil týraly» zań jobasy josparlanýda, sonymen qatar ǵylymı kadrlardyń jaǵdaıyn jaqsartý jáne olardyń áleýmettik qorǵalý kepildikteri týraly zańnamasyna, Salyq kodeksine ózgertýler engizý kózdelýde. Sondaı-aq jaıylymdyq jerlerdi basqarýdy jáne paıdalanýdy retteıtin birqatar túzetýler ázirlený ústinde.
Qasym-Jomart Toqaev «Halyq únine qulaq asatyn memleket» tujyrymdamasyn iske asyrý aıasynda qabyldanatyn zań jobalarynyń barlyq normalaryn talqylaý jáne pysyqtaý prosesine azamattyq qoǵam men sarapshylardy keńinen tartý qajettigin atap ótti.
Kezdesý sońynda Prezıdent parlamenttik dıplomatııanyń áleýetin odan ári iske asyrýǵa qatysty birqatar mindetter qoıdy.
Sondaı-aq, Memleket basshysy 2022 jyly Álemdik jáne dástúrli dinder kóshbasshylarynyń VII sezine daıyndyqty bastaý týraly tapsyrma berdi.
