Bul týraly QR UEM baspasóz qyzmeti málimdedi.
«Qarapaıym zattar ekonomıkasy» baǵdarlamasynyń jobalaryn qarjylandyrýdyń jalpy somasy 1 trln teńge. Bul rette agroónerkásiptik keshendegi (budan ári - AО́K) óńdeýge 300 mlrd teńge, AО́K-tegi óndirýge 300 mlrd teńge, óńdeý ónerkásibi men kórsetiletin qyzmetterge 400 mlrd teńge kózdeledi.
Aıta ketý kerek, qarjylandyrýdy QR Ulttyq Banki óz qarajaty jáne basqarýyndaǵy qarajat esebinen usynady. Baǵdarlamanyń operatorlary – ekinshi deńgeıdegi bankter jáne «Agrarlyq nesıe korporasııasy» AQ.
Budan basqa, «Bıznestiń jol kartasy-2025» baǵdarlamasy da óz jumysyn jalǵastyrady.
Eske salsaq, «Qarapaıym zattar ekonomıkasy» 2019 jyldan bastap júzege asyrylýda jáne ol kredıt boıynsha prosenttik mólsherlemeniń bir bóligin sýbsıdııalaýdy jáne kredıtterge kepildik berýdi qarastyrady. Sońǵy qaryz alýshy úshin mólsherleme 6%-ke deıin tómendetildi. Kredıtteý merzimi 10 jyldan aspaıdy. Kredıt somasyna shekteý joq.
«BJK-2025» baǵdarlamasymen 2020 jyldan bastap salalyq shekteýsiz jyldyq 6% mólsherlememen 5 jyl merzimge kredıt somasy 7 mlrd teńgege deıin jeńildetilgen kredıt beriledi. «BJK-2025»-ti qoldaýdyń negizgi qarjy quraldaryna prosenttik mólsherlemeni sýbsıdııalaý jáne kásipkerlerdiń kredıtterine kepildik berý, memlekettik granttar berý, sondaı-aq bıznes jobalaryna jetispeıtin ınjenerlik ınfraqurylymdy jetkizý kiredi. Kásipkerlerdi qarjysyz qoldaýmen bıznesti júrgizýdi oqytý jáne bolashaq jáne isin jańa bastaǵan kásipkerlerdi konsýltasııalyq súıemeldeý boıynsha jobalar kesheni kózdelgen.
«BJK-2025» jáne «Qarapaıym zattar ekonomıkasy» baǵdarlamalaryn iske asyrýdyń barlyq kezeńinde shaǵyn jáne orta kásiporyn sýbektileri 106 myńnan astam jańa jumys ornyn qurǵan. 36 trln teńge somasyna ónimder men qyzmetter shyǵarylyp, jalpy somasy 2,3 trln teńgege bıýdjetke salyq tólendi.
