Aımaqtar • 09 Qyrkúıek, 2021

Bekshın Almatydaǵy epıdahýal týraly aıtty

190 ret

kórsetildi

1 mın

oqý úshin

Almatynyń bas sanıtarııa dárigeri qyrkúıektiń birinshi onkúndiginde qalada qalyptasqan epıdemıologııalyq jaǵdaı týraly aıtty, dep habarlaıdy Egemen.kz.

Gaýhar QAPASh

Bekshın Almatydaǵy epıdahýal týraly aıtty

Jandarbek Bekshınniń aıtýynsha, 9 qyrkúıekke qaraı Almatydaǵy koronavırýsqa baılanysty jaǵdaı turaqtalǵan. Alaıda epıdemıologııalyq jaǵdaıdy baǵalaý matrısasynda qala «qyzyl» aımaqta ornalasqan.

«Jyl basynan beri 137 myń jaǵdaı tirkelgen, tamyzda - 47 myńǵa jýyq, al qyrkúıektiń basynan beri toǵyz myńǵa jýyq jaǵdaı tirkelgen. 25 tamyzdan bastap epıdemııanyń tórtinshi tolqyny báseńdep, epıdemııanyń turaqtanýy baıqalady, bul COVID-19-dyń úndi nusqasyna baılanysty. Eger 25 tamyzda 1 605 jaǵdaı tirkelgen bolsa, 8 qyrkúıekte - 976 jaǵdaı. Qala turǵyndary arasynda aýrýshańdyq tómendegeni baıqalady. Bul - búginde Almaty halqynyń 46 paıyzynda ımmýnıtet qalyptasýyna baılanysty. Biraq bosańsýǵa áli erte», dedi qalalyq sanıtarlyq-epıdemıologııalyq baqylaý departamentiniń basshysy.

Sonymen qatar Bekshın koronavırýstyń taralýy turaqtalǵan jáne tómendegennen keıin shekteý sharalary jeńildetilgenin aıtty.

«Biz Ashyq baǵdarlamasyna nysandardy engize otyryp, sıfrlandyrý múmkindikterin barynsha paıdalana otyryp, belgili bir jeńildikter engizdik. Alaıda qarqyndy epıdjaǵdaıǵa baılanysty negizgi shekteý sharalary jalǵasady. Taǵy da halyqty qoǵamdyq oryndar men qoǵamdyq kólikterde betperde rejımin saqtaýǵa, adamdar kóp jınalatyn nysandarǵa (túngi klýbtar, meıramhanalar, dámhanalar) barmaýǵa, úı jaǵdaıynda buqaralyq is-sharalardy shekteýge, jedel vaksına alýǵa shaqyramyn», dep tolyqtyrdy Almaty qalasynyń bas sanıtarııa dárigeri.