Atmosferalyq aýa aǵyndarynyń ótýine baılanysty elimizdiń ortalyǵynda, soltústiktiginde, shyǵysta, ońtústiktiń taýly aýdandarynda, kúndiz naızaǵaı jarqyldap, jańbyr jaýady, tańerteń jáne kúndiz Jambyl oblysynyń taýly aýdandarynda jáne taý bókterinde nóser jańbyr, burshaq jaýýy yqtımal.
Tek Qazaqstannyń ońtústigi men batysynda antısıklon jotasynyń yqpalymen jaýyn-shashynsyz aýa raıy saqtalady.
Respýblıkanyń basym bóliginde jel 15-20 m/s, soltústiginde, soltústik-batysynda jel 23-28 m/s kúsheıedi. Elimizdiń ońtústik-batysynda, shyǵysynda jekelegen aýdandarda tuman túsýi múmkin.
Túnde soltústik-batysta, batysta, kúndiz Aqmola oblysynyń basym bóliginde naızaǵaı jarqyldaıdy, jeldiń jyldamdyǵy 15-20 m/s, al oblystyń soltústigi men ońtústik-shyǵysynda ekpini 25 m/s jetedi.
Qostanaı oblysynyń soltústik-batysynda, soltústiginde naızaǵaı, burshaq kútiledi, basym bóliginde jel 15-20 m/s kúsheıedi, kúndiz oblystyń ońtústik-shyǵysynda ekpini 23-28 m/s jetedi.
Soltústik Qazaqstan oblysynyń batysynda, soltústiginde naızaǵaı, túnde batysynda, kúndiz basym bóliginde jeldiń jyldamdyǵy 15-20 m/s, ońtústik-batysy men ońtústiginde ekpini 25 m/s.
Kúndiz Pavlodar oblysynyń batysynda, soltústik-batysynda naızaǵaı jarqyldap, basym bóliginde jel 15-20, batysynda ekpini 25 m/s bolady. Jambyl oblysynyń shyǵysynda, ońtústik-shyǵysynda, ońtústiginde, tańerteń jáne kúndiz taýly, taý bókterindegi aýdandarda naızaǵaı, burshaq jaýýy yqtımal, naızaǵaı jarqyldaǵan kezde jel 15-20 m/s kúsheıedi.
Kúndiz Qaraǵandy oblysynyń soltústiginde naızaǵaı kútiledi, batysta, soltústikte, ortalyǵynda jel turyp, jyyldamdyǵy 15-20 m/s jetedi.
Kúndiz Qyzylorda oblysynyń soltústik-batysynda jel 15-20 m/s kúsheıedi. Mańǵystaý oblysynyń soltústiginde, túnde jáne tańerteń Shyǵys Qazaqstan oblysynyń soltústiginde, soltústik-shyǵysynda tuman kútiledi.
Kúndiz Atyraý oblysynyń soltústiginde, Batys Qazaqstan oblysynyń ońtústik-shyǵysynda jeldiń jyldamdyǵy 15-20 m/s aralyǵynda bolady.
Shyǵys Qazaqstan oblysynyń batysy men soltústik-shyǵysynda túnde 2 gradýs úsik júredi, Qaraǵandy oblysynyń soltústiginde 2 gradýs úsik saqtalady. Almaty, Jambyl, Túrkistan, Qyzylorda, Mańǵystaý, Atyraý, Aqtóbe, Qostanaı, Qaraǵandy oblystarynyń basym bóliginde, Batys Qazaqstan oblysynyń soltústik-shyǵysy men ońtústiginde, Shyǵys Qazaqstan oblysynyń ońtústiginde órt qaýpi saqtalady.
