Aımaqtar • 10 Qyrkúıek, 2021

«Mereıli otbasy» laýreattaryna Prezıdent syılyǵy tabystaldy

92 ret kórsetildi

Otbasy kúni qarsańynda Qazaqstan Respýblıkasynyń Memlekettik hatshysy Qyrymbek Kósherbaevtyń qatysýymen onlaın formatta «Mereıli otbasy» ulttyq konkýrsynyń laýreattaryn marapattaý rásimi ótti, dep habarlaıdy Egemen.kz Shymkent qalasy ákimdiginiń baspasóz qyzmetine silteme jasap.

Memlekettik hatshy saltanatty rásimdi ashyp, Qazaqstan Prezıdenti Qasym-Jomart Toqaevtyń quttyqtaýyn oqyp berdi. Onda konkýrstyń óskeleń urpaqty tárbıeleýdegi jáne otbasylyq qundylyqtardy nyǵaıtýdaǵy mańyzdy róli aıtylǵan. 

Aıta keteıik, bıyl konkýrsty ótkizýdiń jańa tásilderi engizildi. Soǵan sáıkes endi jyl saıyn respýblıka boıynsha 17 úzdik otbasy anyqtalatyn bolady. 

«Mereıli otbasy» konkýrsynyń jeńimpazy Shymkent qalasy boıynsha «Álıevter otbasy» bolyp anyqtalǵan edi.

Qala ákimi Murat Áıtenov «Álıevter» otbasyna  Prezıdenttiń atynan qarjylaı sertıfıkat pen dıplomdy saltanatty túrde tabystap, týǵan shańyraqtan alǵan tárbıe – bul barsha halqymyzdyń tabysty bolashaǵynyń kepili ekenin aıtty. 

Jeńimpaz otbasy Alıev Bachak Mahanbetuly – ishki ister salasynyń qurmetti ardageri, zeınetker. «ABO» túrik otbasylyq ansambliniń jetekshisi. QHA «Birlik» medaliniń ıegeri, aýyr atletıkadan «Sport sheberi», «Polısııa úzdigi» tósbelgisiniń ıegeri. Jubaıy: Alıeva Shaızar Qasymqyzy – zeınetker. Álıevterdiń otbasylyq ómir tájirıbesi – 52 jyl. Úsh balasy, on nemeresi, 14 shóberesi bar. 

a

Uldary jeke kásippen aınalysady. Nemereleri Nursultan, Elsultan jáne Beksultan ulttyq aspaptardyń sheber oryndaýshylary. Búginde 3 urpaqtan taraǵan 5 januıa bir shańyraqtyń astynda tatý-tátti ómir súrýde. 

Ul-qyzdary men nemereleri qazaq tilinde bilim alyp, ulttyq dástúrlerdi qurmettep, ustanyp keledi. Qazaqtaı darhan eldiń keńdigin kórip ósken otbasynyń úlkeni B.Alıev perzentterin týyp-ósken jerine aıanbaı qyzmet etýge tárbıelep keledi. 

Eske salsaq, baıqaýdyń sharty boıynsha Shymkent qalasynyń turǵyndary arasynan barlyǵy 110 ótinish qabyldanǵan bolatyn. Bul 2019 jylmen salystyrǵanda 4 ese kóp otbasy qatysqandyǵyn kórsetip otyr.  Sonymen qatar, bıylǵy jyly baıqaýǵa kóp balaly jáne jas otbasylar eki ese kóp qatysqan.

Sońǵy jańalyqtar

Uqsas jańalyqtar