Osy kúnderi Reseıdiń Sankt-Peterbýrg qalasynda ótip jatqan Dostastyq kýbogy jolyndaǵy jarysta 21 jasqa deıingi Qazaqstan quramasy toptyq kezeńde Latvııa komandasymen 0:0 esebimen teń oınap, shırek fınalǵa shyqty. Bul týraly egemen.kz tilshisi habarlady.
Endi Qazaqstan «S» tobynda úshinshi orynnan tómen túspeıdi. Osy topta jarysqa bizdiń elden basqa Reseıdiń Máskeý men Belarýs quramalary da qatysýda. Bul komandalar búgin ózara kezdesip, 2:2 esebimen teń tarqasty. Buǵan deıin otandastarymyz Belarýsten 1:4 esebimen jeńilse, Máskeý komandasyn 2:0 esebimen utqan bolatyn. Endi shırek fınalda Qazaqstan quramasy Reseımen kezdesedi. 1/4 fınaldyq oıyndar Ýkraına-Lıtva, Latvııa-Estonııa, Sankt-Peterbýrg-Belarýs komandalarynyń arasynda da ótedi. Týrnırge barlyǵy 12 komanda qatysýda. Sonyń ishinde Reseıden 21 jasqa deıingi quramasy, Sankt-Peterbýrg pen Máskeý komandalary kúsh synasýda. TMD jáne Baltyq jaǵalaýy elderinen atalǵan memleketterden basqa Estonııa, Tájikstan, Qyrǵyzstan, Moldova, Lıtva qatysty. Dostastyq kýbogy jolyndaǵy týrnır 24 qańtarda bastaldy. Týrnır 2 aqpan kúni aıaqtalady.
Dostastyq kýbogy týrnıri týraly tolyq málimetpen myna jerden tanysýǵa bolady.http://www.com-cup.com/index.php/ru/
Dastan Kenjalın.
Derekkóz: http://www.com-cup.com
