Kezdesý barysynda taraptar saıası, saýda-ekonomıkalyq jáne mádenı-gýmanıtarlyq salalardaǵy Qazaqstan-Soltústik Makedonııa yntymaqtastyǵyn, sondaı-aq halyqaralyq uıymdar sheńberindegi ózara is-qımyldy odan ári keńeıtý jónindegi qadamdardy talqylady.
Kelissózder sońynda QRSyrtqy ister mınıstrligi men Soltústik Makedonııa Respýblıkasynyń Syrtqy ister mınıstrligi arasyndaǵy 2021-2023 jyldar kezeńine arnalǵan is-qımyl jospary jáne Qazaqstan Respýblıkasy men Soltústik Makedonııa Respýblıkasy arasyndaǵy sottalǵan adamdardy berý týraly sharttyń kúshine enýi boıynsha ratıfıkasııalaý týraly gramotalarmen almasý týraly hattamaǵa qol qoıyldy.
Sapar aıasynda B.Osmanı Memleket basshysynyń qabyldaýynda bolyp, birqatar qazaqstandyq kompanııalardyń ókilderimen kezdesý ótkizdi.
«Jalpy, Qazaqstan men Soltústik Makedonııa yntymaqtastyǵynyń keleshegi jyl saıyn keńeıe túsýde. Osynyń bári elderimiz arasyndaǵy ekijaqty qarym-qatynastardyń senimdi sıpatyn aıǵaqtaıdy», dep jazady SIM baspasóz qyzmeti.
