Sońǵy on jyl ishinde Qazaqstanda ózine qol jumsaıtyn jastardyń sany shamamen úsh ese artqan. Bul týraly «Qazaqstan» telearnasy habarlady.
Osy syrqattyń aldyn alý úshin elimiz mamandary «Aq suńqar» atty ámbebap psıhıkalyq-dıagnostıkalyq apparat oılap tapty. Jalpy, sýısıdtiń ósýi jóninen Qazaqstan Reseı men Albanııadan keıin tur. Onyń oryn alýyna ártúrli jaǵdaı sebep bolatyn kórinedi. Máselen, Astana qalasynyń turǵyny Áıgerim Shyntemirova óz-ózine qol jumsaýǵa eki ret árekettengen. «Men kóp aýyrtpalyq kórdim, kóp qıyndyqtarǵa ushyradym. Mektepte oqyp júrgen kezde meniń otbasylyq jaǵdaıymdy oqýshylar kelemejdegen bolatyn. Ony men ata-anama da aıta almadym. Osy qateligimdi jastar qaıtalamasa eken», - deıdi ol.
Jalpy, biz álginde atap ótken jańa qurylǵyǵa kóptegen baǵdarlamalar engizilgen. Sol arqyly keıbir azamattarda kezdesetin aýytqýshylyqty anyqtaýǵa bolady. Ázirge bul apparat Mańǵystaý men Ońtústik Qazaqstan oblystarynda bar.
Ummet.kz caıtynda jazylǵandaı, sýısıd bul adamnyń óziniń «ishki bolmysyna» jasalǵan agressııa, ıaǵnı jaýyzdyq dep qarastyrylady. Sýısıd dertine ádette rýhanı álsiz, psıhıkalyq turǵydan turaqsyz adamdar shaldyǵady. Sondaı aq óz-ózine qol jumsaýǵa kúndelikti kúızelis túrtki bolýy da múmkin.
Ár sala mamandary sýısıd oqıǵasy jıileýiniń túrli sebepterin alǵa tartady. Sonyń ishinde otbasylyq tárbıeniń kemshin tusy, moraldyq jáne fızıkalyq zorlyq-zombylyq, esirtki qoldaný, joǵary synyp oqýshylarynyń tómengi synyp balalarynyń namysyna tıetin áreketter jasaýy negizgi faktorǵa jatady.
Sýısıd dertiniń emi ımanı tárbıede. Osy turǵydan alyp qaraǵanda jasóspirimder otbasynda, mektep qabyrǵasynda ımanı tárbıege muqtaj.
Ámirhan Almaǵanbetov.
Derekkóz: «Qazaqstan» telearnasy, ummet.kz.
Foto: «Astana» telearnasy.
