Ekonomıka • 14 Qyrkúıek, 2021

Qarjy mınıstri bıýdjetti ıgermegen mınıstrlikterdi atady

31 ret kórsetildi

Bul týraly Qarjy mınıstri Erulan Jamaýbaev Úkimet otyrysynda aıtty, dep jazady Egemen.kz.

«Respýblıkalyq bıýdjet boıynsha 9,9 trln teńge shyǵys boldy. Atqarylmaý 31 mlrd teńgeni, onyń ishinde únemdeý 7 mlrd teńgeni qurady. Igerilmegeni - 24 mlrd teńge. Igerilmeýdiń neǵurlym iri somalary Densaýlyq saqtaý, Ishki ister, Mádenıet jáne sport, Ádilet, Tótenshe jaǵdaılar mınıstrlikterinde qalyptasty», dedi mınıstr.

Mınıstr ıgerilmeýdiń negizgi sebepterin de atap ótti.

«Igerilmeýdiń negizgi sebepteri: tólemniń negizdiligin rastaıtyn qujattardy usynbaý, tólem naqty kórsetilgen qyzmetter kólemi úshin júrgizilgen, oryndalǵan jumystardyń aktilerin, shot-faktýralardy ýaqtyly usynbaý», dedi ol.

Jamaýbaev jergilikti bıýdjetterdiń shyǵystary 5,2 trln teńgeni quraǵanyn aıtty.

«64 mlrd teńge jumsalmaǵan. О́ńirlerge 2,5 trln teńge somasynda nysanaly transfertter kózdelgen. 1 qyrkúıekke olarǵa 1 trln 358 mlrd teńge bólingen. Onyń 98%-i ıgerildi. Jumsalmaǵan – 26,5 mlrd teńge, onyń ishinde únemdeý – 3 mlrd teńge, ıgerilmegeni – 23,5 mlrd teńge», dedi Erulan Jamaýbaev.

Onyń aıtýynsha, eń kóp ıgerilmeý Nur-Sultan qalasy, Batys Qazaqstan oblysy, Almaty qalasy, Qyzylorda, Túrkistan oblystarynda qalyptasqan.

Sońǵy jańalyqtar

TúrkPA-nyń ataýy ózgeredi

Parlament • Keshe

Almaty joldaryn sý basty

Aımaqtar • Keshe

Uqsas jańalyqtar