Qujatta qoldanystaǵy zańǵa ózgerister men tolyqtyrýlar, atap aıtqanda, birinshi toptaǵy múgedekterge kútim jasaıtyn adamdarǵa járdemaqy berý, járdemaqy mólsherin ulǵaıta otyryp, 7 jastan 18 jasqa deıingi múgedektik toptaryn belgileý, memlekettik áleýmettik járdemaqylardy bir mezgilde alý quqyǵyn berý jáne t.b. jazylǵan.
«Zań jobasynyń maqsaty erekshe qajettilikteri bar adamdardy áleýmettik qorǵaý, múgedek balalardy tárbıelep otyrǵan otbasylardy qoldaý, memlekettik áleýmettik járdemaqylardyń mólsherin arttyrý, zeınetaqymen qamsyzdandyrý, halyqty jumyspen qamtý jáne áleýmettik saqtandyrý máselelerin jetildirý máseleleri boıynsha Qazaqstan Respýblıkasynyń zańnamasyn jetildirý bolyp tabylady», dedi Narıman Tóreǵalıev.
Sonymen qatar, qujatta jumyssyzdardy eńbek bırjasynda tirkeý jáne jumyssyz mártebesin alý rásimderin jeńildetý tetikteri jazylǵan.
Senatorlar komıtet otyrysynyń qorytyndysy boıynsha atalǵan zań jobasyn Palatanyń qaraýyna jiberý týraly sheshim qabyldady.
