Ekonomıka • 14 Qyrkúıek, 2021

Bıyl memleket bıýdjetine 7 trıllıon teńgeden asa kiris túsken

280 ret

kórsetildi

1 mın

oqý úshin

Qazaqstannyń qarjy mınıstri Erulan Jamaýbaev 2021 jyldyń 8 aıynda memlekettik bıýdjetke jeti trıllıon teńgeden asa qarjy túskenin málimdedi, dep habarlaıdy Egemen.kz.

Gaýhar QAPASh

Bıyl memleket bıýdjetine 7 trıllıon teńgeden asa kiris túsken

«Memlekettik bıýdjetke kiris 7 trıllıon 139 mıllıard teńge somasynda tústi, jospar 105,3 paıyzǵa oryndaldy. Respýblıkalyq bıýdjetke kiris 4,6 trıllıon teńge somasynda tústi, jospar 100,7 paıyzǵa oryndaldy. Kirister boıynsha jospar 30 mıllıard teńgege artyǵymen oryndaldy, onyń ishinde salyqtar 17 mıllıard teńgege artyǵymen oryndaldy», dedi Jamaýbaev Úkimet otyrysynda.

Onyń aıtýynsha, negizgi soma QQS, PQО́S, KTS salyqtarynan túsken.

«Bul rette shıki munaı óndirý kóleminiń tómendeýine jáne Teńiz ken ornynda kúrdeli jóndeý júrgizilýine baılanysty shıki munaıǵa ETJ jospary oryndalmady. Importqa QQS boıynsha jospardyń oryndalmaýy ımport kóleminiń tómendeýine baılanysty. 2021 jyldyń 7 aıynda úsh el byltyrǵymen salystyrǵanda 6,7 paıyzǵa nemese 875 mıllıon dollarǵa, onyń ishinde 2021 jyldyń shildesinde 26 paıyzǵa nemese 645 mıllıon dollarǵa ósti», dep qosty mınıstr.

Salyqqa jatpaıtyn túsimder boıynsha jospardy asyra oryndaý negizinen memlekettik organdar salatyn aıyppuldar, ósimpuldar, sanksııalar men óndirip alýlar esebinen oryndalǵan.

«Jergilikti bıýdjetterdiń kiristeri 115 paıyzǵa oryndalyp, 2 trıllıon 547 mıllıard teńge boldy. Jospar 332 mıllıard teńgege artyǵymen oryndaldy, onyń ishinde salyq boıynsha - 280 mıllıard teńge. Barlyq óńirde kirister boıynsha josparlar asyra oryndaldy», dep túıindedi Qarjy mınıstri.