Mınıstrdiń aıtýynsha, álemde COVID-19-ben aýrý jáne ólim-jitim boıynsha jaǵdaı turaqsyz. Jalpy álemde KVI-men aýyrýdyń 224 mln-nan astam jaǵdaıy tirkelgen, táýligine 300 myńnan astam jaǵdaı tirkelgen. 4,6 mln-nan astam adam qaıtys boldy.
DDSU Eýropa aımaǵynyń derekteri boıynsha sońǵy eki aptada 26 elde syrqattanýshylyqtyń ósýi baıqalady.
«Sońǵy 7 kúnde aýrýdyń eń kóp ósýi Vengrııada baıqaldy, onda bir apta ishinde aýyrý 100%-dan astam ósti, Ýkraınada, Polsha men Moldovada 60%-dan 80%-ǵa deıin, Avstrııada, Germanııada jáne Belarýste 30%-dan 50%-ǵa deıin, Chernogorııada, Armenııada jáne Izraılde 8%-dan 20%-ǵa deıin», dedi A. Soı.
Onyń aıtýynsha, aýyrýdyń ósýi Ispanııada 60%-ǵa, Fransııada 40%-ǵa, Grýzııada 39%-ǵa, Ázerbaıjanda 16%-ǵa, Italııada 13%-ǵa, Shveısarııada 12%-ǵa jáne Reseıde 9%-ǵa tómendedi. Qazaqstanda sońǵy eki aptada aýrýshańdyqtyń ósýi 35%-ǵa tómendedi.
