О́tken jazda Grýzııada joǵalyp ketken almatylyq jasóspirim Ilıa Pılpanıdiń anasy quqyq qorǵaý organdary onyń qaıda ekenin áli anyqtaı almaǵanyn aıtty. Qutqarýshylar kóktemge deıin Svanetı aımaǵyndaǵy aýdandarda belsendi izdestirý jumystaryn júrgizdi.
«Ulymdy muqııat izdedi. Grýzııanyń qutqarýshylaryna, IIM-ne eshqandaı shaǵymym joq», dedi joǵalǵan jasóspirimniń anasy Ksenııa Pılpanı.
Buǵan deıin Ilıa Pılpanıdiń anasy, balasy urlanǵan bolýy múmkin ekenin málimdegen edi. Osydan keıin oǵan halyqaralyq izdeý jarııalandy.
Ksenııanyń aıtýynsha, Grýzııanyń Qylmystyq kodeksiniń 143-baby boıynsha qylmystyq is «kámeletke tolmaǵandardy zańsyz bas bostandyǵynan aıyrý» (sondaı-aq kámeletke tolmaǵandardyń saýdasy) tergeý jalǵasyp jatyr, is áli jabylǵan joq. Interpolǵa izdeý jarııalandy, biraq basqa elderden aqparat túsken joq.
Jasóspirimniń ata-anasy Grýzııanyń quqyq qorǵaý organdarymen baılanysta.
Eske salaıyq, 13 jastaǵy Ilıa Pılpanı Grýzııada 18 shildede tańerteń úıden velosıpedpen shyǵyp, joǵalyp ketken.
Ilıa Pılpanı - Qazaqstan azamaty. Ol Almatydan Mestıısk aýdanynda (Svanetı aımaǵy) turatyn ákesiniń týystaryna qysta qonaqqa barǵan. Alaıda pandemııaǵa baılanysty úıine qaıta almaǵan.
