Ekonomıka • 15 Qyrkúıek, 2021

Bırjadaǵy saýda qyzyp tur

67 ret kórsetildi

«Astana» halyqaralyq qarjy ortalyǵynyń bırjasyndaǵy (AIX) saýda-sattyq qyzyp tur. О́tken jyldyń qańtar-tamyz aılaryndaǵy jaǵdaımen salystyrǵanda, bıylǵy 8 aıda bırjadaǵy saýda-sattyq kólemi 3,5 ese ósken. Bul rette tamyz aıyndaǵy kórsetkish 12 095 605,8 dollardy quraǵan.

2021 jylǵy tamyzdyń sońyndaǵy jaǵdaı boıynsha, AIX bırjasynyń resmı tizimine 65 túrli emıtenttiń 103 baǵaly qaǵazdar shyǵarylymy kirip otyr. Onda saýda jasaıtyn brokerlerdiń 18-i – qazaqstandyq, 11-i – halyqaralyq. Bırjanyń ortalyq depozıtarııinde ınvestorlardyń 141 myńnan astam shoty ashylǵan.

Shildede BI Group-tyń enshiles kompanııasy «Megastroı» JShS 6,3 mlrd teńgelik qundy qaǵazdaryn sátti ornalastyrǵan. Bul – alǵashqy transh. Boryshtyq quraldar baǵdarlamasy boıynsha 20 mlrd teńgeni quraıdy. Qurylys sektorynyń taǵy bir ókili «Proekt ENS» JShS-da boryshtyq quraldaryn shyǵardy. Bular – 3,7 mln dollar kólemindegi jáne 350 mln teńge kólemindegi oblıgasııalar.

Tamyz aıynyń sońynda AHQO bırjasynda úlestik quraldar lıstıngi bar kompanııalardyń («Qazatomónerkásip», «Polımetall», «Halyq Bank», Ferro-Alloy Resources Limited, «Bank SentrKredıt», Kaspi.kz, Kcell) jalpy naryqtyq kapıtalızasııasy 44 mlrd dollardan asty.

Osy jyldyń 1 shildesinde AIX Qazaq Index (AIXQI) iske qosyldy. Ol bıznesi Qazaqstanmen baılanys­ty kompanııalar aksııalarynyń kórsetkishterin ólsheıdi jáne naryqtyq kapıtaldandyrý boıynsha mólsherlengen ındeksti usynady. Indeks quramyna AIX, KASE jáne LSE bırjalarynda saýdalanatyn segiz qazaqstandyq kompanııanyń aksııalary men jahandyq depozıtarlyq qolhattary kirdi.

Jumysyn 1000 pýnkt belgisinen bastaǵan AIXQI alǵashqy aıdy 993,93 pýnkt belgisinde aıaqtady. Shildeniń qorytyndysy boıynsha kórsetkish 0,61 paıyzǵa sál-pál tómendegen. Tamyz aıynda AIXQI ındeksi shildemen salystyrǵanda áldeqaıda jaqsaryp, aıdy 1034,42 pýnkt deńgeıinde aıaqtady. О́sim – 4,07 paıyz.

Indeks quramyna kiretin 8 kom­pa­nııanyń 6-aýy tamyz aıyn ósimmen támam­dady. Onyń ishinde bank sektorynan «SentrKredıt Banki» men «Halyq bank­tiń» aksııalary úzdik dınamıkany kór­setti. Olardyń ósýi tıisinshe 14,74 paıyz­dy jáne 13,25 paıyzdy qurady.

Sondaı-aq «Qazaqtelekomnyń» aksııalary da aıtarlyqtaı ósim kórsetti – 12,75 paıyz. «Qazatomónerkásip» aksııa­lary 7,99 paıyzǵa ósti. Ýran óndirýshi ulttyq kompanııa 2021 jyldyń 6 aıynda salystyrmaly túrde áldeqaıda jaqsy qarjylyq nátıjeler kórsetti jáne aksıonerlerge 2020 jyl úshin dıvıdend retinde 150 mlrd teńgeden astam tólem aýdarylǵanyn habarlady.

Central Asia Metal (+0,91 paıyz) jáne Kaspi (+0,68 paıyz) aksııalarynyń quny shamaly ǵana ózgerdi. Teris mán kórsetken 2 kompanııa bar. Olar – «QazTransOıl» jáne «Polımetall». Qos kompanııanyń aksııalary tıisinshe 5,73 jáne 7,89 paıyzǵa tómendegen.

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar