Aıta keteıik, Prezıdent halyqqa Joldaýynda elimizdegi ekologııalyq problemalarǵa, ásirese aýa sapasyna basa nazar aýdarýdy tapsyrǵan bolatyn.
Zulfuhar Joldasovtyń aıtýynsha orta merzimdi perspektıvada neǵurlym lastanǵan 10 qalany gazdandyrý jáne balamaly energııa kózderine kóshirý qajet.
«Qazgıdromettiń ekologııalyq monıtorınginiń nátıjeleri boıynsha 45 ónerkásiptik qala men megapolıstiń 10 qalasy atmosferalyq aýanyń joǵary lastaný deńgeıine jatatyny kórsetildi. Bul Nur-Sultan, Almaty, Qaraǵandy, Temirtaý, Atyraý, Aqtóbe, Balqash, О́skemen, Jezqazǵan jáne Shymkent qalalary», dedi komıtet tóraǵasy.
Ol respýblıka qalalarynda atmosferalyq aýanyń lastaný sebepterin úsh sanatqa bólýge bolatynyn aıtty.
«Máselen, Almaty jáne Nur-Sultan qalalarynda lastanýdyń negizgi paıyzy jylý kózderine, avtokólikke jáne jeke sektorǵa tıesili. О́skemen jáne Temirtaý qalalarynda emıssııalardyń eń kóp kólemi ónerkásipke tıesili. Aqtóbe jáne Atyraý qalalarynda eskirgen kárizdik-tazartý qurylystary joǵary lastanýdyń sebebi bolyp otyr», deıdi Zulfuhar Joldasov.
