Bilim • 16 Qyrkúıek, 2021

Bıyl 37 jańa jataqhana paıdalanýǵa beriledi

49 ret kórsetildi

Bilim jáne ǵylym mınıstrliginiń baspasóz qyzmetiniń habarlaýynsha, jyl sońyna deıin 37 jańa stýdentter jataqhanasy paıdalanýǵa beriledi. Jalpy, sońǵy úsh jylda úshinshi áleýmettik bastama sheńberinde elimizde 85 jańa jataqhana iske qosylyp, 22 myńnan astam stýdent qonystandy. Aıta ketken jón, sońǵy 10 jylda elimizde tek 8 jataqhana salynǵan.

«Mınıstrlik Elbasynyń úshinshi áleýmettik bastamasyn iske asyrý aıasynda stýdentter jataqhanalaryn salý men qaıta qurý qarqynyn jedeldetýdiń jańa tetikterin ázirledi. Atap aıtqanda, jataqhanalar nysanaly qurylys jáne joǵary oqý oryndarynyń óz qarajaty ese­binen, sondaı-aq memleket-je­ke­menshik áriptestik qaǵıdaty bo­ıynsha salynady. Iаǵnı ınves­torlar óz qarajatyna jataqhana salady, al mınıstrlik olarǵa mem­­lekettik tapsyrysty orna­las­­­­­ty­ryp, stýdenttiń árbir ja­tyn ornyn tóleıdi», dedi Bilim jáne ǵylym mınıstrliginiń Qar­jy ortalyǵynyń prezıdenti Asqar Ibraımov.

Mundaı algorıtm stýdenttik jataqhanalar sanyn edáýir art­tyrýǵa jáne stýdentterdiń ómir súrý jaǵdaılaryn jaq­sar­týǵa múmkindik berdi. Qu­ry­lys jumystary Nur-Sultan qalasynda, Qyzylorda, Qara­ǵan­dy, Shyǵys Qazaqstan, Jambyl jáne Mańǵystaý oblystarynda belsendi júrgizilýde.

Nur-Sultan jáne Alma­ty qala­larynda­ jeke­ ınvestorlardy qosymsha yntalandyrý úshin memlekettik tapsyrys kólemin
47 AEK-ten 92 AEK-ke deıin ulǵaıtý múmkindigi qarastyrylyp jatyr. Bul qalalarda jataq­ha­na­lar­ǵa asa qajettilik baıqalady. Sondaı-aq qazirgi ýaqytta mem­le­kettik tapsyrysty ornalastyrý merzimin 8 jyldan 5 jylǵa de­ıin qysqartý jóninde usynys ázir­lendi.

Joǵary oqý oryndary múm­kin­­dikterine qaraı óz qaraja­ty esebinen jataqhana salady. Keıbir oqý oryndary turǵyn úı, jataqhanalar men qonaq úılerdi jalǵa alý arqyly stýdentterdiń turǵyn úıge degen qajettiligin tómendetip jatyr. Búgingi tańda 13 joǵary oqý orny 5 myń stýdenti úshin jatyn oryndardy jalǵa aldy. Kelesi jyly 60-qa jýyq stýdent úıi paı­da­la­ný­ǵa beriledi dep josparlanyp otyr.

Sońǵy jańalyqtar

QHL: «Barys» «Vıtıazge» jol berdi

Hokkeı • Búgin, 19:35

«Egemenge» jazylyńyz – syılyq utyp alyńyz!

Egemen Qazaqstan • Búgin, 19:08

Kýrchatovta AES salynýy múmkin

Qazaqstan • Búgin, 18:02

Qyrǵyzstanda tynyshtyq kúni ornady

Álem • Búgin, 12:30

Koronavırýstyń jańa shtammyna ataý berildi

Koronavırýs • Búgin, 11:37

Vaksına saldyrǵandar sany artty

Koronavırýs • Búgin, 09:35

Pavlodar oblylysy «qyzyl» aımaqtan shyqty

Koronavırýs • Búgin, 09:16

905 adamnan koronavırýs anyqtaldy

Koronavırýs • Búgin, 09:08

Uqsas jańalyqtar