Asanuly atap ótkendeı, 2 AEK-ten kem para berý para berýshini jaýapkershilikten bosatpaıdy.
«Zańsyz materıaldyq syıaqynyń jáne syılyqtardyń mundaı túri 200 AEK mólsherinde aıyppul túrinde ákimshilik jaýapkershilikke ákep soǵady. Mundaı quqyq buzýshylyqtar, qylmystyq nemese ákimshilik bolsyn, sizdiń jeke isińizde iz qaldyrady. Bul siz úshin de, jaqyndaryńyz úshin de jaǵymsyz saldarǵa ákelýi múmkin. Mysaly, bul memlekettik qyzmetke jáne kvazımemlekettik sektorǵa jumysqa ornalasýǵa kedergi bolady. Sondaı-aq Eńbek kodeksiniń 52-babyna sáıkes sybaılas jemqorlyq quqyq buzýshylyq jasaý jumys berýshiniń óziniń bastamasy boıynsha eńbek shartyn buzý úshin negiz», dedi Ǵanıjan Asanuly.
Sybaılas jemqorlyq kórinisterine kezikken jaǵdaıda, bul týraly Sybaılas jemqorlyqqa qarsy qyzmettiń táýlik boıǵy call-ortalyǵyna 1424 nómiri boıynsha habarlasýǵa bolady.
«Qońyraý shalý tegin. Aqparat rastalǵan jaǵdaıda 80 myńnan 11 mln teńgege deıingi aqshalaı syıaqy beriledi», dedi ol.
