Birinshi oryndy Danııa astanasy Kopengagen enshiledi.
SCI sarapshylary qalalardy sıfrlyq qaýipsizdik, densaýlyq qaýipsizdigi, jeke qaýipsizdik pen ınfraqurylymnan ekologııalyq qaýipsizdikke deıingi 60 krıterıı boıynsha baǵalaıdy. Sońǵy element tek 2021 jyly qosyldy.
Tokıo, Sıngapýr jáne Osaka sııaqty Azııa qalalary turaqty túrde birinshi oryndarǵa ıe bolatyn, biraq jańa krıterıımen Kopengagen alǵa shyqty. Ol 100-den 82,4 upaı jınady.
«Danııa astanasy 2019 jylǵy segizinshi orynnan birinshi orynǵa kóterildi, bul qala jeke qaýipsizdigimen qatar ekologııalyq qaýipsizdik bólimin engizýdiń arqasynda jaqsy nátıjege qol jetkizdi», delingen SCI sarapshylary taratqan málimdemede.
Al Kanadalyq Toronto 82,2 upaımen ekinshi orynda, Sıngapýr 80,7 upaımen úshinshi orynda. Sıdneı tórtinshi, al 2019 jylǵy jeńimpaz Tokıo besinshi orynǵa ıe boldy.
