Oblystyq TJD baspasóz qyzmetiniń habarlaýynsha, búgin túnde saǵat 03:01-de Ýkraınskaıa kóshesi, 97 meken-jaıy boıynsha órt týraly qońyraý túsken.
Besinshi qabattaǵy bes qabatty turǵyn úıde tórt bólmeli páterde 8 sharshy metr aýmaqta jıhaz janyp ketti. О́rt sóndirýshiler kelgenge deıin páter ıesi, 1962 jyly týǵan er adam jáne onyń 1966 jyly týǵan jubaıy óz betinshe evakýasııalandy. Apattar medısınasy ortalyǵynyń brıgadasy olarǵa alǵashqy dárigerge deıingi kómek kórsetip, Pavlodar qalasynyń № 1 aýrýhanasyna jetkizdi.
«О́rt sóndirýshiler as úıden páter ıesiniń 1987 jyly týǵan ulynyń denesin tapty», delingen habarlamada.
О́rt sóndirýshiler podezden 12 adam men 2 balany evakýasııalady. О́rt 03:47-de tolyq sóndirildi.
О́rttiń boljamdy sebebi - temeki shegý kezindegi abaısyzdyq. Oqıǵa ornynda jeke quramnan 22 qyzmetker jáne 7 birlik tehnıka, TJD synaý órt zerthanasy, Apattar medısınasy ortalyǵy, «102» qyzmeti jumys istedi.
