Elorda • 20 Qyrkúıek, 2021

Nur-Sultanda 15 myń shaqyrymnan astam ınjenerlik jeli sıfrlandyryldy

39 ret kórsetildi

Elordany sıfrlandyrý jobasy qalany tıimdi damytýǵa, júıeli máselelerdi sheshýge múmkindik beredi. 14-15 qyrkúıekte Máskeýde Mobile 360 forýmy ótti, onda qatysýshylar óńirlerdiń eń ózekti máselelerin talqylady, sondaı-aq jańa tehnologııalar men sıfrlyq turaqtylyqqa baılanysty damýdyń jańa múmkindikterin ashty, dep jazady Egemen.kz.

Eýrazııa sarapshylarymen kezdesýde elordalyq Sıfrlandyrý basqarmasynyń basshysy Botagóz Qasabek shaqyrylǵan spıker retinde sóz sóılep, Nur-Sultan qalasy ákimdiginiń geoaqparattyq ortalyǵyn tanystyrdy. Jobany álemdik qoǵamdastyq pen forýmǵa qatysýshylar – Máskeý qalasynyń aqparattyq tehnologııalar departamenti, Belarýstiń sıfrlandyrý mınıstrligi, MTS, Beeline, Yandex jáne Rostelekom kompanııalary erekshe atap ótti.

Forýmnyń negizgi taqyryptary: naqty shyndyqtaǵy ınnovasııalar, adam men tehnologııanyń ózara is-qımylynyń jańa dáýiri, aqyldy qalalardyń bolashaǵy jáne turaqty kommýnıkasııalar. Is-shara sıfrlyq quraldardy paıdalaný arqyly azamattar, óńir jáne qalalar úshin qolaıly jaǵdaılar jasaýǵa arnaldy. Is-sharany búkil álemdegi uıaly baılanys operatorlarynyń múddelerin bildiretin GSM Dúnıejúzilik qaýymdastyǵy (GSMA) uıymdastyrdy.

Qazirgi ýaqytta Nur-Sultan qalasynyń geoaqparattyq ortalyǵy Sáýlet, qala qurylysy jáne jer qatynastary basqarmasynda jáne Nur-Sultan qalasynyń Tabıǵı resýrstar jáne qorshaǵan ortany qorǵaý basqarmasynda pılottyq rejımde paıdalanylýda. Osylaısha, 2D-3D tehnologııalary ınjenerlik jelilerge túsetin júktemelerdi kórneki túrde kórsetedi. Jańa tehnologııa ǵımarattardyń zııatkerlik jobalaryn jasaýǵa, qurylystardy salý men paıdalanýdy baqylaýdy qamtamasyz etýge, sondaı-aq ǵımarattardyń sıfrlyq (aqparattyq) modelin jasaýǵa múmkindik beredi. Qazirgi ýaqytta 15 myń shaqyrymnan astam ınjenerlik jeli sıfrlandyryldy. Barlyq nysandy ıntegrasııalaý nátıjesinde qalanyń eń tıimdi logıstıkasyn qurý jáne elordanyń basqa da mindetterin sheshý múmkindigi paıda boldy.

Sońǵy jańalyqtar

Ana tilinde oqýdan nege qashady?

Bilim • Búgin, 00:05

Abaı murasy asqaqtady

Abaı • Búgin, 00:04

Ulttyq mereke

Abaı • Búgin, 00:02

Et máselesine ep kerek

Ekonomıka • Búgin, 00:01

Jedel járdem nege keshigedi?

Medısına • Keshe

Ult ustazy jáne Batpaqty mektebi

Ahmet Baıtursynuly • Keshe

Jaýynger jyr

Tanym • Keshe

Talant pen taǵdyr

О́ner • Keshe

Shıpaly sýlar shejiresi

Aımaqtar • Keshe

Tańbaly tanymy

Tanym • Keshe

Sırk

О́ner • Keshe

Uqsas jańalyqtar