Gatchına qalasynda 24 qyrkúıek pen 2 qazan aralyǵynda ótetin festıvalda kórkem shyǵarma jelisimen túsirilgen fılmder ǵana baq synaı alady.
«Shyńyraýdyń» negizgi sıýjeti qudyq qazýshy Eńseptiń oqıǵasyn baıandaı otyryp, menmendik, baqtalastyq, mahabbat, dostyq, qastandyq syndy minezderge qurylǵan.
«Ábish Kekilbaevtyń «Shyńyraý» povesi jelisimen túsirilgen fılm álemge esimderi belgili Tolstoı, Chehov, Dostoevskıı, Kafka sııaqty uly jazýshylardyń shyǵarmasy boıynsha túsirilgen fılmdermen bir konkýrstyq baǵdarlamada kórsetiletinine qýanyshtymyn», deıdi rejısser.
«Ádebıet jáne kıno» kınofestıvali 1995 jyldan beri Gatchına qalasynda ótip keledi. Munda jyl saıyn reseılik jáne álemdik jańa fılmder kórsetiledi. Bıylǵy maýsymda – 24 qyrkúıekte festıval Alekseı Telnovtyń «Arhıpelag» fılmimen ashylmaq. Negizgi baıqaýǵa barlyǵy 24 týyndy qatysady.
Al Mádenıet jáne sport mınıstrligi tapsyrysy boıynsha Sh.Aımanov atyndaǵy «Qazaqfılm» AQ túsirgen «Shyńyraý» kórkem fılmi 28 qyrkúıekte 19.00-de «Pobeda» kınokonsert zalynda kórsetiledi.
