Bul týraly QR Indýstrııa jáne ınfraqurylymdyq damý vıse-mınıstri Marat Qarabaev Qazaqstan mashına jasaýshylarynyń IH forýmynda aıtty.
«Indýstrııalandyrý baǵdarlamasyn iske asyrý jyldarynda salada 4 ese ósim baıqalyp, eń joǵary qarqyn kórsetti. О́ńdeýshi ónerkásiptegi salanyń úlesi 9%-dan 14%-ǵa deıin artty. Salada 3 myńnan astam kásiporyn, onyń ishinde 64 iri, 102 orta jáne 3020 shaǵyn kompanııa jumys isteıdi. Bul kásiporyndarda shamamen 120 myń adam jumyspen qamtylǵan», dedi vıse-mınıstr.
Sondaı-aq ol ásirese atomobıl jasaý salasynda eleýli serpin bolǵanyn eske saldy.
«Salanyń avtomobıl jasaý – ósim 40 ese, aýyl sharýashylyǵy mashınasyn jasaý – ósim 12 ese, temir jol mashınasyn jasaý – ósim 8 ese sııaqty sektorlary serpindi damýda. Indýstrııalandyrý kartasy jáne óńirlerdiń kásipkerligin qoldaý kartalary sheńberinde 470 mlrd teńgege jýyq somaǵa 150-den astam joba iske qosyldy. 16 myńǵa jýyq jumys orny quryldy», dedi Marat Qarabaev.
