Aımaqtar • 23 Qyrkúıek, 2021

Saqtyq sharalaryn kóz aldaý úshin ustanbaý kerek

33 ret kórsetildi

Pandemııa qarqyny báseńdep, jaǵdaı turaqtaldy desek te, indetke shaldyǵyp jatqandar áli de bar. Sońǵy málimetke sáıkes Almatyda sońǵy táýlikte 549 adamnan koronavırýs anyqtaldy.

Osy oraıda indet juqtyryp alyp, jazylǵan turǵyndardyń densaýlyǵyn qalpyna keltirý, ońaltý sharalary megapo­lıs­tiń medısına salasyna aıtar­lyq­taı júk bolyp tur. Indet pasıent­ter­diń aǵzasynda burynnan bar kinárattaryn qozdyratyny aıan bolǵany qashan?!

Almaty qalalyq Qoǵamdyq densaýlyq basqarmasynyń №4 qalalyq emhanasynyń rea­bı­lı­to­­logy Aıgúl Soltanbek mun­daı aýyr ınfeksııaǵa tap bol­ǵan naýqastardyń emosııalyq qıyn­dyq­tarǵa da ushyraýy múm­­kin ekenin eske saldy. Ol al­dymen árbir adamǵa halyq kóp jınalatyn jerlerde maska taǵýdy ádetke aınaldyrýy qa­jet­tigin alǵa tarta kele:

– Bul sharanyń beker jáne den­saýlyqqa zııandy ekenine se­nip alyp, kóz aldaý úshin maska taǵatyn adamdar bar. Sony­men qatar kóptegen adam mu­rynnyń aǵýy, tamaq aýrýy jáne sýyqtyń basqa da jeńil bel­gi­leriniń paıda bolýy­na mán bermeı, emdelýge asyqpaıdy. Mundaı adamdar ınfeksııany aıaǵymen alyp júredi. Osy­ǵan baılanysty mas­ka taǵý qosymsha tıimdi shara eke­nin túsindirgim keledi. Bul áleý­met­tik qashyqtyqty saqtaý, qoldy sabynmen jýý jáne antıseptık qoldaný sııaqty basqa sha­ra­­larmen birge koronavırýs ınfeksııasynyń aldyn alýǵa kómektesedi, – deıdi dáriger-rea­bılıtolog.

Koronavırýs ınfeksııadan saýyǵý týraly aıta otyryp, A.Soltanbek aýrýǵa shaldyq­qan­dar­dyń barlyǵynyń tipti indetti jeńil ótkerse de ońaltýdan ótýi tıis ekenin atady.

– Jalpy, ár naýqas saýyǵyp ketýi múmkin, bul úkim emes. Biz koro­navırýstyń ókpe men júrek-qan tamyr júıesine áser etetinin jıi baıqaımyz. Sondyqtan ońal­tý emdelý kezeńinde bas­ta­lady jáne shyǵarylǵannan keıin jal­ǵa­sady – emhanada nemese úıde. Ońaltýdyń qarsy kór­se­tilimderi bar, sondyqtan ár naýqas úshin naqty sharalardy emdeýshi dá­ri­ger anyqtaıdy. Siz aýrýdyń aýyr túrinen keıin de saýyǵyp kete alasyz, – dedi dáriger.

A.Soltanbek naýqas­tardyń ókpesi 10% ǵana zaqymdal­ǵa­ny­men, derttiń aýyr bolýy múmkin ekenin aıtady.

– Dárigerler ókpeniń zaqym­da­ný dárejesine emes, aǵzanyń rezervine nazar aýdarady. Biz ók­pe­niń ǵana emes, basqa músheler men júıelerdiń zaqymdalýyn da emdeımiz, – dep tolyqtyrdy reabılıtolog.

A.Soltanbek kóbinese korona­vı­rýs ınfeksııasynan keıin naý­qas­tarda pnevmoskleroz men ókpe fıb­rozy qaýpi joǵary bolatynyn atap ótti.

– Bizdiń emhana emdelýdiń úshin­shi kezeńimen aınalysady, bul – ókpeniń qalpyna kelý kezeńi. Saý kúıde olar serpindi jáne dem alatyn bolýy kerek, al fıbroz kezinde tyrtyqtar paıda bolady, sondyqtan reabılıtolog dárigerler jeke em ta­ǵaıyndaıdy, – deıdi dáriger.

О́kpeniń jumysyn jaqsartý jáne qandaǵy otteginiń qanyq­ty­lyǵyn kóterý úshin emhana­lar­da tynys alý keshenderi men dene­shynyqtyrýdyń arnaıy baǵ­darlamalary jasalǵan. Rea­bı­­lıtolog tájirıbe kórsetip otyr­­­ǵandaı, kóp jaǵdaıda vaksı­na­­lanǵan naýqastar aýrýhanaǵa jatqyzýdy qajet etpeıtindigine toqtaldy.

– Vaksınalanǵandardyń aýrýy áldeqaıda jeńil ótedi. Mun­daı naýqastardyń ımmýndyq júıe­si jumylýǵa qabiletti jáne tezirek saýyǵýǵa yqpal etedi. Vak­sınalar ımmýnıtetti tómen­det­peıtinin, kerisinshe ony kóte­re­tinin bilgen jón. V tobyn­daǵy vıtamınder men amın­qysh­qyldar da deneni qalpyna kel­tirýge kó­mek­tesedi, – dedi A.Soltanbek.

Jalpy, reanımasııa jáne qar­qyn­dy terapııa bólimshe­le­rin­de 231 adamnyń aýyr jaǵdaıda jatqanyn aıtý kerek. BMSK men Telemedısına ortalyǵy dárigerleriniń baqylaýynda
5 085 naýqas baqylaýda jatyr.

Almaty qalasynda bir táýlik ishinde, ıaǵnı 22 qyrkúıekte 1-komponentpen 2 257 adam, 2-kom­­ponetpen 3 856 adam vaksına aldy. Bıyl aqpannan beri
831 095 almatylyq vaksına saldyrdy. Vak­sına alǵandardyń ishinde 60 jastan asqan qart kisiler sany 117 106-ǵa jetti.

Almaty

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar