Oblystyq TJD baspasóz qyzmetiniń málimetinshe, 23 qyrkúıekte saǵat 18.39-da Naberejnaıa kóshesi, 27 mekenjaıy boıynsha Pavlodar oblysy jumyspen qamtýdy úılestirý jáne áleýmettik baǵdarlamalar basqarmasyna qarasty Aqsý qalasynyń qarttar men múgedekterge arnalǵan jalpy úlgidegi arnaýly áleýmettik qyzmet kórsetý ortalyǵynda órt shyqqany týraly habarlama túsken.
«Ekinshi korpýstyń besinshi qabatynda № 14 palatada 2 sharshy metr alańda matras byqsyp, qatty tútin paıda bolǵan. О́rt sóndirýshiler baspaldaq marshy boıynsha 4-shi jáne 5-shi qabattardan 60 adamdy evakýasııalady. Avtosaty qoldanyldy. Gaz-tútinnen qorǵaý qyzmetiniń býyny besinshi qabattaǵy palatanyń terezesine qurastyrylǵan qol oqpanyn berdi», dedi departamentte.
О́rt sóndirý bólimsheleri kelgenge deıin bólimshe qyzmetkerleri zardap shekken 1937 jyly týǵan er adamdy evakýasııalady. Ol Aqsý qalasynyń ortalyq aýrýhanasyna jatqyzyldy.
О́rt 19 saǵat 09 mınýtta sóndirildi. О́rttiń shyǵýyna tósekte temeki shegý sebep bolǵan.
