«23 qyrkúıek kúni saǵat 21-35-te Atyraý halyqaralyq áýejaıyna «Boeing-767» ushaǵy májbúrli túrde qondy. Sebebi – janar-jaǵarmaı júıesindegi tehnıkalyq aqaý. Bort Nur-Sultan-Ystanbul baǵytynda ushyp bara jatqan. Ushaq Eır Astana áýe kompanııasyna tıesili», dep atap ótedi Atyraý oblystyq TJD baspasóz qyzmetinen.
Ushaq bortynda 205 jolaýshy, onyń ishinde 5 bala jáne ekıpajdyń 5 múshesi bolǵan. 4 jolaýshy Atyraý qalasynda turatyn týystarynyń úıine barsa, 2 jolaýshy basqa ushaqpen Nur-Sultan qalasyna ushyp ketken.
Al qalǵan 199 jolaýshy «Sulo Hotel» qonaq úıine ornalastyrylǵan. «Ushaqty tehnıkalyq qalpyna keltirý jáne jóndeý jumystary júrgizilip jatyr.
24 qyrkúıek kúni saǵat 14-00-de «Boeing-767» ushaǵynyń Ystanbul qalasyna ushyp shyǵýy josparlanǵan», dep atap ótedi vedomstvodan.
