Onyń advokaty Gonsalo Boıe saıasatker ustalǵanyn Twitter-paraqshasynda rastady.
«Prezıdent Pýchdemon Eýropalyq Parlament depýtaty retinde Sardınııaǵa kelgen kezinde tutqyndaldy».
Sonymen qatar, Boıe qamaýǵa alý týraly buıryq 2019 jyldyń 14 qazanynda shyqqanyn aıtty.
«Erteń (24 qyrkúıek) ol Sassarı apellıasııalyq soty sýdıalary aldyna shyǵady, olar ony bosatý nemese ekstradısııalaý týraly sheshim qabyldaıdy», dedi shtab basshysy Hosep Llýıs Alaı.
Burynǵy memleket basshysy tutqyndalǵannan keıin Ispanııa úkimeti «Italııa bıligi men sot sheshimderin qurmetteıtinin» bildirdi.
«Pýchdemonnyń tutqyndalýy sot aldynda jaýap berýi tıis EO-nyń kez kelgen azamatyna qatysty sot tártibine sáıkes keledi», delingen Ispanııa úkimeti habarlamasynda.
Málimdemede Pýchdemon «kez kelgen azamat sııaqty ádilettilikke baǵynýy tıis» delingen.
