Jedel is-sharalar ótkizý barysynda polısııa qyzmetkerleri О́skemen qalasyndaǵy garaj kooperatıvteriniń birinen alkogol ónimderin óndirý jáne quıý sehyn anyqtady, ony oblys ortalyǵynyń 56 jastaǵy turǵyny uıymdastyrǵany anyqtaldy.
«Garajdy tekserý kezinde tártip saqshylary bes lıtrlik jáne bir lıtrlik ydystarǵa quıylǵan shamamen eki tonna alkogol ónimderi tabyldy. Sonymen qatar óndiriske qajetti quıýǵa arnalǵan zattar, sondaı-aq bos konteınerler men olardyń qaqpaqtary tárkilendi», delingen málimette. Tekserý barysynda kúdiktiniń spırtti saqtaýǵa jáne ótkizýge qandaı da bir ruqsat qujattary joq ekendigi anyqtaldy.
«Atalǵan fakt belgilengen tártipte tirkelip, jınalǵan materıaldar tıisti prosessýaldyq sheshim qabyldaý úshin ýákiletti organǵa joldandy. ShQO Polısııa departamenti sertıfıkattalmaǵan alkogoldiń densaýlyqqa qaýipti bolýy múmkin ekenin eskertedi», deıdi oblystyq PD bastyǵynyń orynbasary Talǵat Shaıahmetov.
