Prezıdent • 27 Qyrkúıek, 2021

Memleket basshysy Túrkııa Uly ulttyq jınalysynyń tóraǵasyn qabyldady

67 ret kórsetildi

Memleket basshysy Qasym-Jomart Toqaev álemde qubylmaly jaǵdaı qalyptassa da, túrkitildes memleketteri yntymaqtastyǵynyń óte mańyzdy ekenin atap ótti, dep habarlaıdy Egemen.kz.

«Álemdegi qubylmaly jaǵdaıdy eshkim dóp basyp boljaı almaı otyr. Osyǵan qaramastan, bizdiń elderimiz arasyndaǵy qarym-qatynastar oıdaǵydaı damyp keledi. Qazaqstan men Túrkııa arasyndaǵy qatynastar ózara senimge, dostyqqa negizdelgen», dedi Qazaqstan Prezıdenti Qasym-Jomart Toqaev.

Túrkııanyń halyqaralyq arenadaǵy bedeliniń artyp kele jatqanyna toqtalyp, baýyrlas eldiń jetistigine qýanatynyn jetkizdi. Sonymen qatar Memleket basshysy eki el arasyndaǵy yntymaqtastyqtyń bolashaǵyn joǵary baǵalady.

Mustafa Shentop Qazaqstanǵa jasaǵan sapary aıasynda qabyldaǵany úshin Qasym-Jomart Toqaevqa alǵys bildirip, Túrkııa Prezıdenti Rejep Taııp Erdoǵannyń sálemin jetkizdi. Sondaı-aq ol álemdik pandemııaǵa baılanysty betpe-bet kezdesýlerdiń shektelgenine qaramastan, eki eldiń qarym-qatynasy joǵary deńgeıde ekenin atap ótti.

«Qarasha aıynda bizdiń elde ótetin Túrki keńesi elderiniń sammıtinde túrki áleminiń birligi men yntymaqtastyǵyn odan ári keńeıtý jóninde birqatar mańyzdy sheshim qabyldanady degen úmittemiz. О́zińizdi sol sammıtte kútemiz», dedi Túrkııa Uly ulttyq jınalysynyń tóraǵasy.

 

Sońǵy jańalyqtar

Áýezov jáne túrki álemi

Rýhanııat • Keshe

Áskerdegi álimjettik

Qoǵam • Keshe

Ideologııa

Rýhanııat • Keshe

Meıirim men qatygezdik

Rýhanııat • Keshe

Eski men jańa arasy

Rýhanııat • Keshe

Bı padıshasy

Rýhanııat • Keshe

Sapa qaıtse jaqsarady?

Qazaqstan • Keshe

Qaıyrymdylyqtyń úlgisi

Qazaqstan • Keshe

Saq dáýiriniń tasy

Tanym • Keshe

Uqsas jańalyqtar