«Jańa tehnologııalardyń damýyna baılanysty BAQ-ty zańanmalyq damytý máselesin pysyqtap jatyrmyz. Atap aıtar bolsaq, zańǵa ózgertýler engizýdi josparlap otyrmyz. Ony jýrnalıster qoǵamdastyǵymen talqylaımyz jáne ol 2023 jyly qabyldanýy múmkin», dedi ol «Astana Media Week – 2021» medıa aptalyǵy aıasyndaǵy «Medıany damytý strategııasy» atty dóńgelek ústel barysynda.
Onyń aıtýynsha, buqaralyq aqparat quraldary úshin jańa uǵym engiziletin bolady.
«Jańa medıaǵa anyqtama beremiz. Bul – ınternettegi barlyq jańa platformalar, damýshy aqparattar. Oǵan izdeý júıesin, OTT platformasy men áleýmettik jelilerdi jatqyzamyz. Qazaqstandaǵy jumys erejesin bekitemiz. Medıa-ólshem prosedýrasy zańnamalyq turǵyda engiziledi. Biz úshin Qazaqstanda medıa-ólshem jańa tehnologııalardy qoldanýmen bolǵany jáne halyqty 100 paıyz qamtyǵany mańyzdy. Bul barlyq qazaqstandyqtyń qandaı medıany unatatyndyǵy túsinikti bolýy úshin qajet», dedi Kemelbek Oıshybaev.
