Osy pýnkterde ekpeniń birinshi jáne ekinshi komponentin alýǵa bolady, dep habarlady elorda ákimdiginiń resmı saıty.
Búgingi tańda elordada vaksınanyń 3 túri bar: reseılik «Spýtnık V», otandyq QazVac jáne qytaılyq Sinopharm VeroCell.
«Jalpy, qalada birinshi komponentpen kontıngenttiń 66%-dan astamy qamtylǵan. Osy jumysty jaqsartý jáne halyqty kóbirek qamtý maqsatynda biz vaksınalaý pýnkterin taǵy eki uıymda – azamattar kóp jınalatyn jerlerde ashamyz», dep atap ótti basqarma.
Nurly Jol temirjol vokzalyndaǵy vaksınalaý aımaǵy 4-qabatta, áýejaıda 1-qabatta halyqaralyq jáne ishki termınal arasyndaǵy ótkelde ornalasqan. Kún saıyn saǵat 10:00-den 20:00-ge deıin jumys isteıdi.
«Koronavırýs ınfeksııasyna qarsy vaksınalaý prosesi halyqqa qolaıly bolý úshin barlyq shara qabyldandy. Azamattar ekpeniń kómegimen ǵana pandemııany jeńe alatynyn este saqtasa eken deımiz. Biz ınfeksııany jeńýge jaqyndap qaldyq deýge bolady, biraq vırýs áli de bar. Barlyǵy ózimizdiń qolymyzda – koronavırýs aýrýyn taratpaý azamattyq mindetimiz», dep atap ótti vedomstvo.
