Qyrkúıektiń 28-29 kúnderi Qostanaı qalasynda Ybyraı Altynsarınniń 180 jyldyǵyna arnalǵan «Y.Altynsarın jáne aǵartýshylyq taǵylym: tarıhı ózegi, tanymdyq órisi, zamanaýı órnegi» halyqaralyq ǵylymı-tájirıbelik konferensııa ótedi.
Is-sharaǵa Bilim jáne ǵylym mınıstri Ashat Aımaǵambetov, Qostanaı oblysynyń ákimi Arhımed Muhambetov, Y.Altynsarın atyndaǵy Ulttyq bilim akademııasynyń prezıdenti Ǵanı Beısembaev, sondaı-aq joǵary oqý oryndarynyń rektorlary men sheteldik sarapshylar, ǵalymdar qatysýda.
Konferensııa barysynda Ybyraı Altynsarın ıdeıalary jáne onyń aǵartýshylyq murasy, Y.Altynsarın murasyn zerdeleý men nasıhattaýdyń ózekti máseleleri jáne t.b. taqyryptar qozǵalatyn bolady.
Búgin Bilim jáne ǵylym mınıstrligi bastaǵan delegasııa óńirdegi pedagogtermen jáne bilim uıymdarynyń basshylarymen, daryndy balalarmen kezdesedi, sondaı-aq A.Baıtursynov atyndaǵy Qostanaı óńirlik ýnıversıtetine, Qostanaı joǵary polıtehnıkalyq kolledjine barý josparlanýda.
Al konferensııanyń ekinshi kúni halyqaralyq ǵylymı-praktıkalyq konferensııanyń plenarlyq otyrysy ótedi. Sonymen qatar «Úzdik pedagog-2021» baıqaýynyń jeńimpazdaryna sertıfıkattar tabystalady dep josparlanyp otyr.
